122 familje në Bubq futen në shtëpitë e reja, Rama: Reformë strehimi për ata që jetojnë në pallatet e vjetra
Politikë E Mërkurë, 29 Dhjetor 2021 16:50
Në Bubq, një nga fshatrat më të dëmtuar nga tërmeti i 26 nëntorit 2019, u ndanë çelësat për 122 familje që vitin e ri do ta festojnë në shtëpi të re.
Kryeministri Edi Rama tha se ky fshat tashmë është kthyer në një fshat të bukur dhe modern me shtëpi të reja më të forta dhe të bukura se para tërmetit.
“Po përgatitemi për një reformë për strehimin për pallatet e vjetra, që të ketë pallate me cilësi, standarde dhe kosto jo të mëdha. Të bëjmë me shtëpi ata që nuk kanë mundësi të blejnë një shtëpi të re”, tha Rama.
