Kryetari i PD-së, Sali Berisha këtë të mërkurë i ftuar në një emision televiziv i është rikthyer sërish çështjes së financimeve ruse dhe ka i ka kërkuar Bashës që të japë sqarime. Për të nëse ish-kreu i PD-së ka frikë nga burgu është mirë që të marrë statusin e të penduarit.
“Ato që unë kam deklaruar janë të njohura. Basha ka pasur një problem në SHBA, e sigurt, por që mund ta ketë zgjidhur. Ky është një problem tjetër. Di që jo një, por 3 herë është kthyer nga rruga për në SHBA pasi i kanë thënë që ke dosjen ‘Muzin’. Dhe pastaj është akuzuar zyrtarisht nga inteligjenca e SHBA dhe një zëdhënës i SHBA se PD ka marrë financime ruse.
Basha duhet të sqarojë me çdo kusht problemin e financimit rus, ai është një kusht. Ka deklaruar se nuk është e vërtetë, por është e papranueshme nëse nuk thotë ku i ka marrë 625 mijë dollarë dhe si i ka kaluar në Skoci. Nëse ka frikë të futet në burg të kërkojë statusin e të penduarit dhe të flasë”, tha Berisha në ”A2cnn”.
