”3 mashtrimet për heqjen e fashës 800KWH”, Vasili: Rama ka përgjegjësi penale. SPAK të veprojë

Edhe pse kryeministri Edi Rama u tërhoq nga rritja e çmimit të energjisë elektrike për fashën 800KWH, deputeti i Partisë së Lirisë, Petrit Vasili ka publikuar tre mashtrimet e qeverisë, ku edhe i bën thirrje SPAK-ut që të vërë përpara përgjegjësisë penale Ramën. ”Edi Rama me vetëdije të plotë ka mashtruar botërisht opinionin publik vetëm për qëllime politike dhe provokative”.

Postimi i plotë nga Petrit Vasili

SPAK të marrë në përgjegjësi penale Edi Ramën, mashtroi botërisht për heqjen e fashës 800KWh! Edi Rama ka mashtruar botërisht lidhur me heqjen e fashës prej 800KWh për qëllime të qarta të provokimit dhe përfitimit politik, duke dhunuar çdo ligj të këtij vendi dhe pa asnjë vendim zyrtar. Përgjegjesia penale ndaj Edi Ramës është direkte dhe lidhet vetëm me të personalisht.

➡️ MASHTRIMI PARE

Në datën 30 shtator 2022 Rama deklaroi: “qeveria e ka barrën ta menaxhojë sa më mirë të jetë e mundur, ne vendosëm që aplikimi i fashës 800 KWh të mos hyjë në fuqi në muajin tetor”. Genjeshtra është shumë e rëndë pasi qeveria nuk ka marrë asnjë vendim për këtë çështje dhe rRendi i ditës së mbledhjes së qeverisë në datë 28 shtator provon qartë mashtrimin. Kush e paska marrë pra këtë vendim, kur qeveria nuk ka marrë asnjë të tillë?

➡️ MASHTRIMI I DYTE

Rama mori përgjegjësinë personale dhe deklaroi pezullimin e aplikimit të fashës 800 KWh, pas vendimit të ERE të datës 23 shtator. Ky është një tjetër mashtrim shumë i rëndë sepse ERE nuk ka marrë asnjë vendim për pezullimin e aplikimit të fashës. Kjo provohet sepse ne Mbledhjen e ERE te dates 29 shtator, pra nje dite perpara deklarates se Rames, as nuk eshte diskutuar dhe as eshte marre asnje Vendim pezullimi nga ERE. Ne daten 30 shtator menjehere pas deklarates se Edi Rames, ERE ne nje komunikate shtypi deklaron dhe konfirmuar se: “ERE ka publikuar tashmë çmimet e përditësuara për konsumin e energjisë elektrike nga konsumatorët familjarë, që konsumojnë mbi 800 kWh’. Aktualisht këto çmime, sipas ERE janë të aplikueshme për periudhën 1 tetor deri më 31 dhjetor 2022”. Kush e paska vendosur pra pezullimin, kur ERE nuk ka marre asnje vendim te tille ??

➡️MASHTRIMI I TRETE

Edi Rama deklaroi më 30 shtator se pezullimi i vendimit vinte sepse: “kemi pasur përmirësim të nivelit në Fierzë, aty ku është dhe burimi kryesor i energjisë, dhe presim që të materializohen dhe parashikimet për reshje të tjera në fund të dhjetë ditëshit të parë të tetorit”. Nderkohe qe Edi Rama bente kete deklarate, KESH blinte energji per periudhen 1-31 tetor me vlere 34 milionë euro per 74,500 megavatorësh me një çmim mesatar prej 455.24 euro per Mwh, bile mjaft me te larte edhe si çmimi ne burse. Pra eshte e qarte, qe e gjithe deklarata si dhe argumentimet e vendosjes se fashes 800KWh per shkak te problemeve financiare te KESH rrezohen ne çast. Edi Rama me vetedije te plote ka mashtruar boterisht opinionin publik vetem per qellime politike dhe provokative pasi: As qeveria dhe as ERE nuk kane marre asnje vendim pezullimi siç provohet me dokumentet zyrtare te mbledhjeve perkatese te qeverise ne 28 shtator dhe ERE ne 29 shtator.