30 maj, raundi i tretë dhe i fundit që kërkon shumicë të cilësuar për Presidentin

Më 30 maj ora 10:00, do të zhvillohet raundi i tretë dhe i fundit që kërkon shumicë të cilësuar për zgjedhjen e Presidentit të ri. Më 29 maj ora 16:00 është afati i fundit i dorëzimit të kandidaturave.

Partia Socialiste e ka bërë të qartë se deri në raundin e tretë nuk do të propozojnë emër për kandidat, duke i lënë radhë opozitës, por këto të fundit kanë refuzuar për të dërguar emra. Në raundin e katërt dhe të pestin, Presidenti mund të zgjidhet me 71 vota.

Kryetari i Grupit Parlamentar të PS, Taulant Balla përsëriti thirrjen për opozitën që të sjellin propozimin, me qëllim që mazhoranca dhe vlerësojë dhe të japë opinionin e vet.

“Hajdeni që tani të ulemi në një nga zyrat e Kuvendit. Ju sillni propozimin. Ne do e shohim, do japim komentet tona. Opozita mund të vijë edhe me një kandidat të vetin”.