74 vota pro, miratohet Komisioni i Posaçëm Antikorrupsion i PS-së. Opozita është kundër

Me 74 vota dhe 6 kundër, është miratuar në Kuvend ngritja e Komisionit të Posaçëm Antikorrupsion. Në momentin e votimit, deputeti demokrat Gazment Bardhi doli jashtë sallës së Kuvendit. Deputetët e opozitës që morën pjesë në votim, por votuan kundër janë Ervin Salijani, Lindita Metaliaj, Elda Hoti, Agron Shehaj, Ilda Dhori dhe Albana Vokshi.

Sipas projektvendimit, Komisioni i Posaçëm Antikorrupsion do të përbëhet nga 11 anëtarë, ku 6 i përkasin mazhorancës dhe 5 opozitës. Ai do të ketë një afat 10-mujor dhe kryetar i tij pritet të jetë Fatmir Xhafaj, ndërsa anëtarë do të jenë kryetarët dhe zv/kryetarët e 4 komisioneve të përhershme parlamentare dhe ata të Këshillit të Integrimit Evropian.

Opozita ka deklaruar se nuk do të bëhet fasadë e propagandës së Kryeministrit Rama. Sipas tyre, ky komision është futur në seancë pa u konsultuar më parë me opozitën. Demokratët kanë kërkuar që betejën me korrupsionin, kryeministri Rama ta nisë nga korrupsioni zgjedhor