8 Dhjetori/Mediu takim me studentët: Rinia gati të rrëzojë regjimin e Ramës më 25 prill

Kryetari i Partisë Republikane, Fatmir Mediu dhe Profesor Selami Xhepa, rektor i Universitetit Europian të Tiranës, zhvilluan një bashkëbisedim me studentë, pedagogë dhe profesionistë të cilët kanë studiuar në Shqipëri, dhe në vendet e BE dhe SHBA. Sipas njoftimit për shtyp të PR-së, ky bashkëbisedim erdhi me rastin e 8 Dhjetorit, dhe riktheu ditët e protestave të sdutentëve, por mbi të gjitha gjendjen e rëndë ekonomike dhe politike mbas 30 vitesh në Shqipëri.

Xhepa dhe Mediu vlerësuan rolin dhe kurajon e studentëve të Dhjetorit në përballjen dhe përmbysjen e sistemit komunist dhe fillimin e pluralizmit shqiptar me themelimin e PD-së. Ata evidentuan arritjet e pluralizmit dhe demokracisë shqiptare në këto 30 vite, por dhe problemet që kanë shoqëruar tranzicionin e gjatë shqiptar. Xhepa theksoi se PD, PR, si dhe e djathta ishin promotor të zhvillimit të ekonomisë së tregut dhe vlerave të demokracisë liberale në një shtet tërrësisht të rrënuar politikisht dhe ekonomikisht nga diktatura komuniste si asnjë vend tjetër i lindjes komuniste.

Kryetari PR-së, theksoi se anëtarësimi i Shqipërisë në NATO, liberlizimi i vizave janë nga fitoret me rëndësi të madhe historike për shqiptarët nën qeverisjen e kryesuar nga ish-kryeministri Berisha. ”Këto arritje kombëtare erdhën për shkak të luftës me krimin dhe korrupsionin dhe duke u orientuar në reforma te thella ekonomike dhe institucionale”,-tha ai. Nga ana tjetër, Mediu theksoi nevojen e një ndryshimi të domosdoshëm në qeverisje dhe parlament.

”Qëllimi ynë duhet të jetë ndertimi i Shtetit të së Drejtës, standarteve Europiane kushtetuese, ku përcaktohen qartë roli i 3 pushteteve kontrolli dhe balancimi i tyre në mbështetje të lirive dhe të drejtave te qytetarëve shqiptarë. Ndërtimin e një Shteti ku drejtësia duhet ti sherbejë interesit te qytetarëve dhe të garantojë barazinë perballë ligjit. Për fatin e keq sot nuk jemi një Republike Parlamentare, por një Republikë e një individi të Edi Ramës, i cili ka ndërtuar një regjim te korruptuar, duke shkatërruar ekonominë, liritë dhe të drejtat e shqiptarëve dhe duke ju kundërvëne Europës. Parlamenti duhet të jetë një institucion i rëndësishem që përfaqëson interesat e qyetarëve dhe si i tillë, duhet patjetër të ketë mundësi të zgjedhin deputetët që do i përfaqësojnë, si dhe deputet të jenë të përgjegjshëm përballë qytetareve dhe jo vetëm partive politke. Zhvillimi i ekonomisë kërkon politika mbështetëse ndaj biznesit, taksa të ulëta dhe siguri juridike. Shqipëria është vendi me i varfër në Europë jo se i mungojnë resurseset dhe kapacitet njerëzore, por sepse i mungon një qeverisje e drejtë. Regjimi i korruptuar i Edi Ramës, taksat e qytetarëve i përdor për afera korruptive dhe politika klienteliste”,-tha më tej Mediu.

Studentët ngritën shqetësimin e pamundesisë për punësim, apo vleresim të meritës së tyre si dhe pamundësisë për të hapur dhe zhvilluar biznes, prandaj kjo situatë e rëndë ka detyruar bashkëmoshatarët e tyre të largohen nga Shqipëria. Ata theksuan se Universitetet duhet të gëzojnë autonomine e tyre dhe te mos jenë nën kontrollin e qeverisë. Në përfundim të gjithë bashkëbiseduesit, theksuan nevojën e përfshirjes në politike për të ndryshuar Shqipërinë më 25 prill dhe për tu ribashkuar me Europën me një qeverisje të djathtë dhe të përgjegjshme.