A do kandidojë në zgjedhjet e 2029? Ja si përgjigjet ish-deputeti Ervin Salianji

Ish-deputeti i Partisë Demokratike, Ervin Salinji foli në një konferencë për mediat mbasditen e sotme për herë të parë pas lirimit të tij nga burgu.

Salianji u pyet nga gazetarët, nëse do të vazhdojë angazhimin e ti në PD dhe nëse do të kandidojë në zgjedhjet parlamentare të vitit 2029.

Demokrati nuk dha një përgjigje konkrete, por theksoi se ai do të bëjë politikë krah interesit të qytetarëve me apo pa mandatin e deputetit.

Pjesë nga fjala e Ervin Salianjit:

Pa diskutim do kemi komunikime të herëpashershme…Ka një pengesë që është mos zbardhja e vendimit nga ana e gjykatës së lartë. Gjykata e larte ka bërë falsifikim për të përzgjedhur trupën gjyqësore që shqyrtoi rekursin tim.
Besoj se këto çështje do të zgjidhen më përpara se sa periudha për të bërë kandidimin, por unë nuk e bëj këtë betejë vetëm për të qenë deputete. Është sakrificë dhe pamundësimi i një politikani për të qenë në parlament.

Unë kam bërë opozitë edhe pa patur mandatin e deputetit…unë do të kem mundësinë të bëj politikë nëpërmjet kontaktit me qytetarët dhe propozimeve që do të vijnë nga PD. Kështu që nuk e shoh si shqetësim, me zor e pres një përballje në Gjykatën evropiane të drejtave të njeriut për të përcaktuar nëse kam pasur unë të drejtë ose qeveria.