A do penalizohet Shqipëria për shembjen e Teatrit? Komisioneri për Zgjerimin: I thashë Ramës të shmangte veprime të tilla

Shembja e Teatrit Kombëtar nga Edi Rama ka sjellë reagime në forta në institucionet e Bashkimit Europian.
Kreu i Grupit Parlamentar të Partive Popullore Europiane, Michael Gahler, ka pyetur sot Komisionerin e Zgjerimit Varhelyi nëse: “Shkatërrimi i Teatrit Kombëtar nga KM Rama a është për ju edhe shkatërrim i shanseve të Shqipërisë për negociata dhe për t’ju bashkuar Europës?”
Kjo pyetje u bë sot pasdite në Komisionin e Jashtëm të Parlamentit Europian ndërsa diskutohej për Buxhetin e Partneritetin Lindor
Komisioneri Varhelyi në përgjigjen e tij theksoi se vërtet çdo shtet vendos vetë për teatrot e monumentet, por jo duke përjashtuar aktorët e rëndësishëm, por duke i përfshirë të gjithë grupet e interesit në konsultim e vendimmarrje. “I thashë Ramës në telefon se duhej t’ a kishte evituar konfrontimin dhe të kishte shmangur veprime të tilla”, është shprehur Komisioneri për Zgjerimin.