Afganistani zgjohet i pushtuar nga talebanët. DW: Kaos në aeroportin e Kabulit, turmat vrapojnë për t’u larguar nga vendi

Nga DW

Talebanët radikalë-islamikë pas marrjes së Kabulit e kanë deklaruar të përfunduar luftën në Afganistan. Skena kaotike në aeroportin e Kabulit. Shumë vetë janë përpjekur të largohen nga qyteti.

Dy dekada për rrëzimit të tyre, talibanët rikthehen në qendrën e pushtetit, Kabul, dhe sipas disa njoftimeve në media kanë marrë kontrollin edhe në kryeqytet. Pas marshimit të tyre të furishëm, luftëtarë të armatosur talibanë festuan “fitoren e madhe” në Pallatin Presidencial” në Kabul. Televizioni al-Xhazira publikoi pamje, ku shiheshin komandantë dhe duzina talibanësh radikalë islamikë në pallat. Një zëdhënës i tha al-Xhaziras se lufta ka marrë fund. Drejtuesi i zyrës politike të ekstremistëve, Mullah Abdul Ghani Baradar deklaroi në një videomesazh, se ky sukses i papritur është i pashembullt në botë. Tani vjen prova e vërtetë, plotësimi i pritshmërive të njerëzve dhe zgjidhja e problemeve të tyre. Ndërsa sipas një zëdhënësi të talibanëve që i referohet njoftimeve nga pjesë të ndryshme të vendit “gjendja në Afganistan është paqësore”. Nuk ka pasur luftime mes talibanëve dhe forcave të sigurisë të qeverisë së mëparshme apo civilëve.

Presidenti afgan, Ashraf Ghani më parë kishte marrë arratinë. Ghani deklaroi në Facebook, se u largua nga Afganistani për të mënjanuar gjakderdhjen dhe nuk u shpreh, se ku ndodhej. Al-Xhazira ka bërë të ditur, se Ghani së bashku me kreun e shtabit të tij është larguar për në kryeqytetin uzbek, Tashkent. “Talibanët fituan”, deklaroi Ghani. Nëse do të kisha qëndruar, “një numër i madh patriotësh” do të kishin humbur jetën dhe Kabuli do të shkatërrohej.

Skena kaotike në aeroport

Në aeroportin ndërkombëtar të Kabulit ka pasur skena kaotike. Shumë vetë janë përpjekur të largohen nga qyteti, siç duket në videot e publikuara në twitter. Ata përpiqen të arrijnë avionët e të largohen nga qyteti. Ushtarët amerikanë kanë qëlluar në ajër, sipas një përfaqësuesi amerikan, sepse synohej të pengohej, që qindra afganë të mësyjnë pistën e avionëve për të hyrë në avionët ushtarakë. Avionët ushtarakë janë prezentë për diplomatët, personelin e ambasadave dhe forcat e punës në terren të ambasadave.

Gjermania dhe vende të tjera e kanë larguar ndërkohë personelin e tyre. Natën e së hënës filloi edhe evakuimi i qytetarëve gjermanë nga kryeqyteti afgan. Një avion i Bundeswehrit është nisur për në Afganistan për të evakuuar qytetarë gjermanë dhe punonjës afganë që kanë ndihmuar në vend. SHBA po ashtu ka larguar qindra punonjës të ambasadave jashtë vendit. Presidenti amerikan, Joe Biden bëri të ditur dërgimin e mijëra ushtarëve në Kabul për të siguruar evakuiimin.

Këtë të hënë në Këshillin e Sigurimit të Kombeve të Bashkuara do të diskutohet gjendja në Afganistan. Sekretari i Përgjithshëm i OKB-së, Antonio Guterres u shpreh shumë i shqetësuar dhe i bëri thirrje si kryengritësve islamistë edhe palëve të tjera në konflikt për “vetëpërmbajtje maksimale”. Kombet e Bashkaura janë të vendosura të kontribuojnë në një zgjidhje paqësore të konfliktit dhe të mëbshtesin të drejtat njerëzore të të gjithë afganëve, veçanërisht të vajzave dhe grave.

“We woke up this morning to the Taliban white flags all over the city.”

The Taliban’s capture of Jalalabad effectively leaves Kabul as the last major urban area under government control https://t.co/o6h7POQ8HQ pic.twitter.com/GfXadVywL0

— Al Jazeera English (@AJEnglish) August 15, 2021

PHOTO 1: US diplomat evacuate US from embassy via helicopter as the #Taliban enter #Kabul from all sides. #Afghanistan (2021)

PHOTO 2: US diplomat evacuate US from embassy via helicopter as the PAVN & Viet Cong capture of Saigon, Vietnam (1975) pic.twitter.com/YamWmzjOay

— Stefan Simanowitz (@StefSimanowitz) August 15, 2021