Aksionet, Meta: Zbatimi i ligjit rrugë pa kthim, kostot politike do jenë të përkohshme

 

Eni Vasili – Të nderuar teleshikues, mirëmbrëma dhe mirë se erdhët në këtë transmetim të drejtpërdrejtë të emisionit “Studio e hapur”!

Në një situatë disi të tensionuar politike, ndërkohë që opozita mungon në parlament; pas një proteste të konsiderueshme të realizuar në qendër të kryeqytetit; pas disa reformave të organizuara të qeverisë, por edhe disa aksioneve shtrënguese të saj; në prag të 70-vjetorit të çlirimit, por edhe të festave të fundvitit, me mua në studio është zoti Ilir Meta, kryetari i LSI-së dhe Kryetari i Kuvendit!

Mirëmbrëma! Faleminderit që zgjodhët “Studion e hapur”!

Ilir Meta – Faleminderit për ftesën! Mirëmbrëma!

Eni Vasili – Faleminderit që jeni sonte me mua dhe me teleshikuesit e “Studios së hapur” të televizionit “News 24”!

Në fakt, kemi shumë pyetje dhe shpresoj të gjeni kohë t’u përgjigjeni të gjithave në këtë transmetim tonin të drejtpërdrejtë.

Ju njoftoj se të gjithë kolegët e mi gazetarë, sidomos kryeredaktorët e mbylljes së gazetave, po na ndjekin në pritje të këtyre përgjigjeve, pasi, me sa duket, ju keni munguar disi, por për këtë çështje do të mund të flasim gjatë intervistës.

Fillojmë të flasim për situatën politike.

Eni Vasili – Siç e thashë pak më parë, opozita realizoi në bulevardin kryesor një nga protestat më të konsiderueshme në numër, kjo është e pranuar nga të gjithë si e tillë. Pyetja ime është: a ju shqetësoi pjesëmarrja e madhe e qytetarëve në këtë protestë?

Ilir Meta – Aspak. Duhet të ishim të shqetësuar në rast se nuk do të kishte pjesëmarrje, ose do të ishte një pjesëmarrje e kufizuar, sepse kjo do të tregonte se këtu çdo gjë shkon në mënyrë perfekte, e vështirë për t’u pranuar në çdo demokraci, sado e zhvilluar që të jetë ajo, ose që njerëzit këtu kanë frikë të dalin të protestojnë dhe të identifikohen, sepse ka kufizime të demokracisë. Fakti që opozita del të manifestojë, që ka edhe një pjesëmarrje të konsiderueshme, sikurse e thatë edhe ju, është një tregues pozitiv i asaj që demokracia funksionon dhe do të funksiononte edhe më mirë nëse opozita zërin e protestuesve do ta sillte drejtpërdrejt në parlament.

Eni Vasili – Dakord, por nuk ishte një manifestim feste, ndoshta për 70-vjetor do të shohin sesi do të festohet, por ishte një manifestim proteste kundër rritjes së çmimit të energjisë, kundër reformave.

Ilir Meta – Nuk thashë se ishte festë, por që pjesëmarrja tregon se ka demokraci. Njerëzit në Shqipëri nuk kanë frikë të dalin të protestojnë dhe të tregojnë simpatinë e tyre politike, apo edhe pakënaqësitë sociale.

Eni Vasili – A ishte një protestë politike, pra ishin militantët aty, apo ishin njerëzit e pakënaqur nga qeverisja e majtë në këta 14 muaj?

Ilir Meta – Nuk kam bërë një analizë të pjesëmarrjes dhe të arsyeve të një pjesëmarrje të tillë. Natyrisht, ajo ishte një protestë politike në radhë të parë, sepse organizohet nga një forcë politike apo një bllok opozitar. Në fund të fundit, cilado që të jetë arsyeja, unë mendoj se kjo tregon që në Shqipëri ka demokraci, njerëzit nuk zihen më se do të bëhet mitingu këtu apo do të bëhet aty, siç kemi parë në të kaluarën, dhe dua t’i përshëndes për manifestimin mjaft paqësor që kryen.

Eni Vasili – A mendoni ju se shkak i kësaj pjesëmarrjeje të madhe janë pakënaqësitë e qytetarëve ndaj disa reformave dhe masave shtrënguese të ndërmarra kohët e fundit nga qeveria e koalicionit të majtë?

Ilir Meta – Nuk dua t’i referohem vazhdimisht pjesëmarrjes së madhe apo jo të madhe, sepse opozita ka marrë 800 mijë vota në Shqipëri. Ajo opozitë që për dy muaj i përqendron të gjitha energjitë në një manifestim, mund të kishte sjellë edhe të gjithë votuesit e saj në shesh. Pra, kjo nuk është shumë e rëndësishme. E rëndësishme është që opozita ata njerëz dhe ata votues t’i përfaqësojë edhe në parlament, sepse ai është vendi ku merren vendime dhe ku mbrohen interesat e tyre.

Eni Vasili – Këmbëngula, sepse kryetari i PD-së, zoti Basha, tha se, nëse nuk përmbushet kontrata që qeveria ka me zgjedhësit e saj, ose largohet, ose rrëzohet. A keni një koment për këtë deklarim të kryetarit të PD-së gjatë protestës?

Ilir Meta – Sigurisht që e ka thënë shumë drejt, sepse kontratat bëhen çdo katër vjet, tashmë kjo është një traditë edhe në vendin tonë, si vend me një demokraci gjithnjë e më të  konsoliduar. Kështu që në vitin 2017 qytetarët do të shprehen me votën e tyre për të rinovuar kontratat me maxhorancën aktuale ose për të lidhur kontrata me opozitën e sotme. Deri atëherë secili ka të drejtë të kërkojë një përkrahje në rritje nga qytetarët dhe nga votuesit. Por në fund fare janë ata që do të vendosin, pra qytetarët.

Eni Vasili – Si do ta perifrazoni këtë periudhë qeverisjeje, zoti Meta, siç e përmenda pak më parë, që janë më shumë se 14 muaj? A po i përmbush koalicioni i majtë qeverisës shpresat e 1 milion votave, apo shuplakave, siç i quan zoti Rama?

Ilir Meta – Gjithçka duhet të vendoset në dy plane: në raport me situatën përpara 14 muajve dhe në perspektivën e viteve që vijnë. Natyrisht në rast se do ta vendosim të gjithë bilancin e qeverisjes në raport me marrjen e përgjegjësive dhe në trashëgimin e qeverisjes, të treguesve makroekonomikë, të borxhit, të deficitit e të tjerë me radhë dhe në rast do ta vëmë edhe në planin e perspektivës, ku po shkon kjo qeveri me këtë trend qeverisjeje apo reformash, unë besoj se është një bilanc pozitiv. Sigurisht që për jo pak qytetarë që na dëgjojnë kjo mund të mos jetë shumë bindëse, por në këtë rast unë dua që këtë fenomen ta lidhja me ..    Ilir Meta – …puna e fermerit në bujqësi, i cili, kur mbjell, duket sikur fara humbet dhe sikur nuk bën aspak punë, por kur vjen koha, ajo shndërrohet në një pemë dhe sjell frytet e saj. Kështu që në këta 14 muaj, besoj se kjo  qeveri është përpjekur të mbjellë sa më shumë për të korrur disa rezultate në  interes të vendit si  i tërë dhe të ekonomisë kombëtare si e  tërë dhe, së  dyti, në interes të qytetarëve dhe të  ekonomive të tyre familjare. Kështu që për mua janë më se të qarta arritjet e qeverisë deri tani, por sidomos traseja që  ajo ka shtruar për të  ardhmen, e cila do të jetë edhe më e efektshme për qytetarët. Të mos harrojmë vlerësimet  e vazhdueshme në përmirësim të qëndrueshëm të Standard and Poor’s të raportit  të Bankës Botërore për “Doing Business”; raporti më i fundit i BERZH-it, që vlerëson shumë reformat e qeverisë shqiptare dhe e vlerëson Shqipërinë si  vendin që ka kryer më shumë reforma në rajonin tonë.

Të gjitha këto duken ndonjëherë si abstrakte, por absolutisht ato kanë rezultatin e tyre, për të mos përmendur edhe një fakt tjetër, i cili ka kuptimin e tij, ku  sipas Institutit të Sigurimeve Shoqërore konfirmohet se gjatë kësaj periudhe janë të punësuar 81 mijë të rinj. Pra, janë vende të reja pune, por janë edhe vende pune, të cilat dikur  deklaroheshin të zeza, por që tani sigurohen…

Eni Vasili –  Të rinj të punësuar, të siguruar ?

Ilir Meta – Janë të dyja dhe të dyja janë mjaft pozitive dhe tregojnë që po ecim drejt një ekonomie gjithnjë e më të shëndetshme. Formalizimi  është në  interesin e të gjithëve, edhe të atyre që deri tani kanë menduar se kanë qenë të  favorizuar nga puna në të zezë.

Eni Vasili – Sigurisht. Do të  flasim më pas edhe për shifrat e punësimit, për premtimet tuaja, që kanë qenë edhe pjesë e programit të LSI-së. Por le të ndalemi te këto reforma, të cilat edhe ju i përmendët pak më parë. Ju e quajtët ndoshta disi abstrakte, por me sa duket qytetarët…

Ilir Meta – Jo, nuk e quajta. Duket…

Eni Vasili – Po, duket, por për qytetarët dhe për ndonjë deputet, ndoshta jo vetëm që nuk janë të tilla, por përkundrazi janë disi më të shtrënguara se ç’duhet.

Fillojmë një e nga një dhe ndalemi, së pari, tek energjia.

Në seancën parlamentare të 30 tetorit, në mos gaboj, ka qenë 30 tetor, ju u shprehët pro këtyre  iniciativave që ka ndërmarrë qeveria në lidhje  me çështjen e energjisë, por  a mund t’i kërkosh një familjeje, që është sot në nevojë, një familjeje, e cila mezi siguron mbijetesën e saj, të paguajë jo vetëm energjinë, që  nuk ka paguar deri tani, por edhe kamatë-vonesat? Edhe deputetët  e majtë kanë folur për këtë çështje. Ju çfarë mendoni?

Ilir Meta – Unë mendoj se i duhet dhënë fund një herë e përgjithmonë abuzimit dhe  shpërdorimit të energjisë nga  çdo qytetar, në gjendje të mirë apo të vështirë ekonomike dhe sociale, sepse çdo progres që ne mund të arrijmë në çdo fushë  të  caktuar të ekonomisë, në fushën e të ardhurave, të tatimeve, të doganave, të  investimeve të huaja direkte lidhet me këtë. Në rast se nuk i japim fund në mënyrën më të vendosur dhe të prerë çdo shtegu abuzimi me energjinë elektrike, nuk do të  hedhim asnjë hap të  qëndrueshëm përpara.

Kjo është një gropë e madhe, është një gropë e zezë, e cila është një  pengesë madhore për zhvillimin më të shpejtë dhe më të qëndrueshëm të vendit. Energjia është një potencial i jashtëzakonshëm për rritjen e ekonomike të vendit, por praktikisht kontributi i saj është negativ. Nuk është pozitiv. Ndaj reformat e ndërmarra  nga ana e qeverisë në bashkëpunim të ngushtë edhe  me Bankën Botërore, e cila po ndihmon dhe po jep një financim mjaft të  rëndësishëm për reformimin e gjithë sistemit,  pa dyshim do të bëjnë të mundur që jo në vitin 2018, por  edhe më përpara, energjia nga një faktor pengues dhe minus për rritjen ekonomike të kthehet  në një faktor pozitiv të kësaj rritjeje.

Eni Vasili – Dakord. Përqendrohemi te shtresat që janë në nevojë dhe më pas shkojmë te reforma…

Ilir Meta – Po, tani le të vijmë te shtresat në nevojë. Këtu debati më i madh ka lindur në lidhje me ristrukturimin e çmimit dhe me heqjen e  fashës prej 300 kilovat-orësh, por unë besoj  se qeveria ka dhënë zgjidhjen për të gjitha familjet, të cilat jetojnë  me ndihmë ekonomike apo që përfitojnë ndihmë  ekonomike, familje të konsideruara në nevojë. Të gjitha këto do të kompensohen për diferencën në lek. Besoj se ky është një tregues i qartë i vëmendjes për të mbrojtur këtë shtresë. Ndërkohë hiqet mundësia  e manipulimit dhe e abuzimit me dy çmime që ka qenë një fenomen masiv deri tani. Kjo është një reformë, e cila rrit transparencën në të gjithë sistemin dhe që  mbron edhe shtresën në nevojë.

 

 

 

Ju jeni pro rritjes së çmimit të energjisë? LSI është pro?

Nuk kemi të bëjmë thjesht me rritje por me ristrukturim të çmimit. Sepse ka edhe kategori që përfitojnë nga ristrukturimi i çmimit. Kemi të bëjmë me një reformë jo thjesht me një rritje çmimi. Nuk mund të ketë asnjë justifikim për çështjen e abuzimit me energjinë elektrike. Njerëzit duhet të jenë të kujdesshëm, duhet ta dinë se çdo gjë që harxhohet do të paguhet. Për shtresën në nevojë 200 mijë familje do të kompensohen me diferencën. Unë mendoj se duhet të jemi të kujdesshëm, të harxhojmë sa më pak energji. Mos lemë dritat kot kur flemë gjumë. Jam i bindur që asnjë veprim nuk ka ndodhur në mënyrë arbitrare. Vjedhja e energjisë është një krim shumë i rëndë në kushtet ku jemi dhe duhet trajtuar si i tillë.

Një operacion tjetër i fortë që ka sjellë edhe reagime, është prishja e ndërtimeve të paligjshme. Opozita thotë se ka qenë selektiv, sipas jush a ka qenë selektiv ky proces?
Nuk mund ta gjykoj këtë çështje sepse nuk jam gjykatës. Unë apeloj që të zbatohet ligji në mënyrë të barabartë për të gjithë. Sa i takon opozitës, opozita është kundër çdo gjëje. Kundër zbatimit të ligjit për energjinë elektrike, kundër mbrojtjes së hapësirave publike. Do ta ftoja opozitën që në mënyrë konstruktive dhe të përgjegjshme ajo të bëhet pjesë e këtyre reformave.

Reformat janë të dhimbshme zoti Meta, dhe me kosto elektorale, por sipas kryeministrit janë të nevojshme. Ju mendoni se janë të nevojshme?
Edhe operacionet janë të dhimbshme, por të domosdoshme për të shpëtuar shëndetin. Janë disa sëmundje që nuk mund të kurohen ndryshe, duhen ilaçe të forta dhe të hidhura.

Pra është buxheti i duhur për ju?

Ky buxhet varet nga këndvështrimi si e shikon.

 Opozita thotë që varfëron shqiptarët…

Edhe të gënjejmë shqiptarët të bëjmë sikur rrisim rrogat e pensionet dhe të dalë borxhi nga kontrolli dhe çdo gjë tjetër nga kontrolli, kjo nuk është zgjidhje.

Fakti që në këtë vit u arrit një progres i qëndrueshëm  dhe i sigurt në rritjen  e të ardhurave tregoi se kjo qeveri arriti të formalizojë një pjesë të mirë të ekonomisë. Fakti që parashikohet një shtesë të ardhurash 45 milionë euro një e treta nga taksat  që rriten tregon se kemi të bëjmë me një ecuri pozitive dhe të qëndrueshme ekonomike në vend. Ka rëndësi cilësia e investimeve.

Investimet janë ulur, taksat janë rritur, rrogat dhe pensionet nuk kanë lëvizur….

E thash shumë e rëndësishme është cilësia e investimeve investime që të ndikojnë në rritjen ekonomike në të ardhmen dhe jo investime thjesht për të harxhuar fondet. Qeveria ka mundësi të shtojë investimet në ekonomi përmes partneritetit publik- privat.

Që opozita ka një këndvështrim ndryshe është normale.. Kjo është e veçantë sot, nuk është parë që buxheti të atakohet nga vet deputetët e mazhorancës….

Nëse nuk do kritikohej do thoshim çështë ky parlament debati është i shëndetshëm çdo deputet do luftojë për fushën që njeh më mirë.

E keni fjalën për debatin mes deputetit Kokëdhima  dhe ministrit Beqaj ?

 Nuk e kisha për asnjë rast të veçantë, buxheti në përgjithësi është një kompromis në fund për të arritur objektivat kryesore që ka një buxhet.

Deputeti Vasili ka thënë që më parë se buxheti për fasonët ishte parashikuar 5 milionë dhe në fakt është 2,5.

 Fasonët është një nga sektorët që ka kontributin më të madh të punësimit dhe eksporteve. Është një sektor që do vazhdojë të ketë mbështetjen e plotë.

Fakti që ishte parashikuar 5 milion dhe është bërë 2,5?

Do punojmë për të bërë më të mirën.

Do doja një batutë, perifrazim për ministrat e qeverisë.
Unë mendoj se qeveria ka treguar përkushtim për të realizuar reformat për zbatimin e ligjit dhe ka një vizion të qartë për perspektivën, kështu që nuk ka nevojë për të bërë batutë.

A kemi një qeveri diletante, jam duke perifrazuar zotin Ruçi..
Unë mendoj se zoti Ruçi është politikan me shumë eksperiencë dhe nuk duhet shkëputur asgjë nga konteksti në të cilin po fliste. Mendoj se disa vërejtje të tij ishin të drejta, por më shumë synonin të motivonin ministrat për të bërë më mirë punë e tyre.

Zoti Rama thotë se këto reforma të mëdha kanë edhe kosto të mëdha elektorale, bashkë me protagonizmin, do t’ia lini atij kostot?
Mendoj se kostot janë të përkohshme sepse reformat janë të shëndetshme. Kostot janë si puna e ilaçeve të hidhura kur i pi, por më vonë të bëjnë mirë. Ka qytetarë që për momentin mund të jenë të pakënaqur, por nesër padyshim do të bëjë një rivlerësim të këtyre politikave, reformave. Zbatimi i ligjit është një rrugë pa kthim, cilado të jetë kostoja.

A shihni në të ardhmen koalicione me të djathtën?
LSI është një forcë e majtë. Është një forcë e angazhuar për integrimin jo thjesht evropian por edhe si filozofi. LSI është në vendin e saj në këtë koalicion dhe nuk ka asnjë arsye për të menduar çdo të ndodhë në të ardhmen.

Cilat janë raportet me zotin Rama?
Shumë konstruktive dhe bashkëpunuese. Ky është një koalicion shumë i qëndrueshëm dhe funksional.
Cili është plani i Metës, është Presidenca?
Nuk prononcohem për çështje të cilat nuk e kanë kohën e duhur. Ne kemi një president që gëzon respektin tim të plotë. Për në mbetet e rëndësishme të përmbushim sa më shumë nga angazhimet që kemi marrë në zgjedhjet e 23 qershorit.

 

Pyeta pak më parë për problemet në koalicion se janë dëgjuar disa zëra, duket sikur ka një lloj selektive. Fakti që një drejtoreshë arsimore e propozuar nga LSI është arrestuar për korrupsion…

Jo një po 100 të arrestohen për korrupsion nuk ka problem në koalicion. Çdo punonjës duhet të ketë të qartë që detyra e parë dhe e fundit është zbatimi i ligjit jo më tepër të përfshihet në afera të ndryshme dhe shfaqje të tilla të tilla të neveritshme. Është një gjë e shëmtuar që meriton dënim maksimal.

Cili është opinioni juaj lidhur me punën e institucionit të akuzës, prokurorisë?
Puna e institucionit të akuzës është pjesë e gjithë institucioneve ligjzbatuese. Prokuroria ka marrë angazhimet e saj. Do mbetet i rëndësishëm bashkëpunimi, koordinimi mes tyre për të pasur efektivitet maksimal.

Pak më parë Llalla ka deklaruar në komisionet hetimore se ka disa ministra në hetim. Keni siguri që ministra dhe ish ministra të LSI janë imun?
Nuk kam merak as shqetësim për këtë gjë pasi porosia e parë që i kam dhënë çdo ministri është zbatimi i ligjit dhe vetëm zbatimi i ligjit. Nuk kemi merak për asnjë person.

Po flisnim për organin e akuzës dhe do doja të ndalesha në një ngjarje të rëndë në rastin e Kostandin Xhuvanit,vrasjen e katërfishtë që kreu. Një ngjarje që flet shumë dhe është si guri në ujë që tregon shumë rrathë problematik rrotull. Një shtet që nuk ka funksionuar, më keq është abuzuar me ligjin. Kush mban përgjegjësi për këtë?
Besoj se kjo është një ngjarje e rëndë dhe tragjike e cila për fat të keq mori disa viktima të pafajshme dhe natyrisht që është përgjegjësi e drejtësisë që jo vetëm ti shkojë deri në fund kësaj çështje dhe ta zbardhe por edhe të japë dënimin e merituar. Sa i takon çdo lloj aludimi për ndonjë ndërhyrje politikë në rastin konkret mendoj se vet ish deputetja Xhuvani me aktin e saj të dorëheqjes donte të jepte mesazhin që drejtësia duhet të bëj detyrën e saj pa asnjë ndikim.
Xhuvani nuk e kishte rastin e parë a duhet të mbajë përgjegjësi për këtë çështje?
Pa dyshim që është një moment reflektimi për të gjithë dhe drejtësia duhet ta thotë fjalën e saj me forcë në këtë rast dhe në çdo rast tjetër kur person atë afërt me politikanë sillën në mënyrë të pa përgjegjshme.

Qëndrojmë ende në parlament. Jeni pa opozitën a ndjeni përgjegjësi??
Më vjen keq të them se asnjëherë opozita nuk ka pasur këto hapësira që i janë krijuar në parlamentin e pas 23 qershorit në të gjitha drejtimet. Në mënyrë të qëllimshme nuk ka dashur ti shfrytëzojë këto hapësira por ka kërkuar në vend të debatit konfliktin, përmes një retorike tepër agresive dhe shpesh herë personale, dhe për fat të keq shpesh ka sjellë në situata të degradimit të debatit.
Marrim reformën administrative territoriale për të cilën ankohen vazhdimisht. Kush mund ti jepte një opozite veç mazhorancës së sotme që të kishte të drejta të barabarta me mazhorancën. Me praninë e faktorit ndërkombëtar që pati një rol të rëndësishëm për gjithë këtë reformë dhe të gjithë e kemi çmuar të domosdoshme dhe mjaft të vonuar. Opozita nuk donte ta shfrytëzonte këtë mundësi se do kishim reduktim të njësive vendore.
Është një kalkulim politik votash?
Një kalkulim jo i mençur votash sepse qytetarët janë të lodhur nga ku drejtim vendor. Është zgjidhje e saj për çdo gjë jo. Edhe në vendet më të zhvilluara ka debate. Vijmë në situatën konkrete. Për fat të keq ndodhi incidenti në korrik por institucionet funksionuan, prokuroria hapi çështjen, e ka çuar në gjykatë dhe lidhur me kërkesat në tjera janë marrë në konsideratë.

Largimi i të inkriminuarve nga parlamenti…
Të propozojë opozita nëse do bëhen ndryshimet në ligj në rregullore. Janë miratuar kërkesat është miratuar edhe kërkesa që është absurde që kryetari i grupit parlamentar të opozitës sa herë që flet kryeministri të flasë dhe të ketë të njëjtën kohë. Është bërë një kërkesë është e ekzagjeruar. Askush nuk ka frikë që opozita të shfrytëzojë kohën në të mirë të saj.

Ju keni plotësuar disa kërkesa por opozita kërkon marrëveshje me garanci ndërkombëtare…
Nuk po e kuptojmë çfarë kërkon por çdo kërkesë që ata të kenë ta drejtojnë në mënyrë institucionale dhe do merret parasysh.

Pritet një vendimmarrje e presidentit për guvernatorin e ri, do të votoni çdo emër që vjen prej tij? Varet nga emri procesi apo është thjesht procesi që do ketë rëndësi?

Një proces i mirë sjell edhe një emër përfaqësues. Lidhur me anëtarët e Këshillit Mbikëqyrës po vazhdon procedura normalisht.

Hetimi për vjedhjen në BSH, a ishte një show i prokurorisë gjithçka ndodhi dhe gjykatat vepruan drejt, apo është e kundërta?

Duhet të kemi durim për të parë procesin deri në fund, sepse është një proces që vazhdon.

Flitet shumë për reformën në drejtësi, përveç disa ndryshimeve në ligjin e KDL-së duket se nuk kemi ndonjë reformë realiste në drejtësi. A ka besueshmëri mazhoranca për bërjen e kësaj reforme.

Reforma kërkon kohë. Janë hedhur disa hapa të rëndësishëm. Besoj se shumë shpejt do të ecim drejt realizimit të kësja reforme, e cila do të kërkojë kohën e saj, debatin e saj, por që do të ecë në mënyrë të padiskutueshme përpara. Është një reformë e cila do të ketë bashkëpunimin e të gjithë aktorëve të rëndësishëm, ku padyshim parlamenti do të ketë një rol kryesor, si vendi ku diskutohen ligjet dhe njëkohësisht qeveria dhe presidenti do të kenë rolin e tyre. Kur flas për parlamentin, kam parasysh edhe opozitën.

LSI a i ka filluar përgatitjet për zgjedhjet lokale?

LSI është vazhdimisht në përgatitje për çdo sfidë.

Opozita deri tani thotë se nuk mund të ketë zgjedhje me këtë ndarje të re territoriale, a mund të kryen zgjedhje me këtë frymë konfliktualiteti?

Opozita asnjëherë nuk dha asnjë alternativë. Opozita ka hyrë në një qorrsokak, jo për mungesë të hapësirave të ofruara nga ana e mazhorancës. Zgjedhjet do të zhvillohen në kohën e duhur. Cdo ide tjetër konstruktive është e mirëpritur.

Sipas ligjit nëse deputeti 6 muaj mungon i digjet mandati çfarë ndodh nëse grupi in opozitës nuk vjen në Kuvend?
Nuk besoj se jemi në këto kushte. Janë mandate që i takojnë opozitës. Shpresojmë që ata të kthehen në parlament. Është në interes të tyre dhe të vendit. Besojmë që duan të marrin përgjegjësi për të ardhmen e vendit për më tepër që kanë kritikuar bojkotin në të kaluarën.
A duhet të ketë ndryshime në kabinetin qeveritar, a do bëni rifreskim të kabinetit?
Është një pyetje që i takon kryeministrit të japë përgjigje. Të gjithë kanë mundësinë dhe detyrimin për të bërë më shumë përfshirë edhe deputetët dhe kryetarin e Kuvendit.
Do ketë freskim nga minsitrat?
Nëse freskim kemi të bëjmë vetëm me ndryshimet e njerëzve mendoj se kemi të bëjmë me një koncept të ngushtë.
Enver Hoxha një argument delikat por edhe aq i mirë për marketingut. LSI është iniciatore e kremtimit me vëmendje më të madhe të 70 Vjetorit të Çlirimit. Duket sikur ka në sfond një tendencë për rehabilitim të figurës së Enver Hoxhës…
Nuk është e vërtetë. Enveristët dhe anti-Enveristët duket se janë bashkëpunëtorë të njëri- tjetrit për të pasur një protagonizëm artificial. Më erdhi për të qeshur se kam ndjekur shumë debate dhe prononcime qesharake për këtë çështje. Nuk e identifikojmë luftën antifashiste me Enver Hoxhën, kjo luftë nuk ka nisur me Enver Hoxhën. Kjo luftë është zhvilluar shumë më parë se Enver Hoxha të merrte frenat e Partisë Komuniste. Para tij ka qenë Spiro Mojsiu një ushtarak karriere. Përpjekja e disa grupeve nostalgjikë, se provokatorë është pak si tepër sepse veprimi që ata bëjmë nuk e lartëson figurën e Enver Hoxhës. Është një ngjarje madhore se e kam bindje se pa 29 Nëntorin e 1944 nuk do kishim mundësinë të festonin as 28 Nëntorin e 1912. Lufta antifashiste shpëtoi vendin tonë nga copëtimi dhe mosekzistenca.
A mund të diskutojmë mbi faktin tjetër që ju i quajtët provokatorë. Të iniciuar nga kush?
Dikush më thoshte që mos i keni nxitur ju. Kam 20 vjet që bëj festime në Skrapar zona ime elektorale. Asnjëherë nuk ka ndodhur që të dalë një portret i Enver Hoxhës në festë. Jo se s’ka atje enveristë por sepse mendoj që e kuptojnë që në një festë duhet të gjithë të respektojnë disa gjëra të përbashkëta. Enver Hoxha është një figurë që i ndan shqiptarët nuk është një figurë që i bashkon. Nuk është një figurë që duhet të identifikohet me luftën antifashiste. Jemi këtu për të vlerësuar përpjekjen mbarë popullore dhe kjo gjë nuk duhet të cënohet nga qëndrimi për këtë figurë.Këta elementë që nxjerrin foton një në aktivitet ku nuk janë të ftuar duke bërë një provokim të tillë, shfrytëzohet nga ata që nuk kanë ndonjë problem të madh me Enverin.

Ju distancoheni qartë në këtë riinterpretim të figurës së Enver Hoxhës?
Distancohem nga identifikimi i Enver Hoxhës me luftën Antifashiste Nacional Çlirimtar. Enver Hoxha është bërë një figurë e njohur në fund të luftës ose pas luftës. Ajo që mbetet vendimtare të zhveshim luftën antifashiste nga identifikimi me një individ dhe aq tepër Enver Hoxhën.

Këtu kemi të bëjmë me një reformë. Nuk kemi të bëjmë thjesht me një rritje çmimi.
Së dyti, kemi të bëjmë me një angazhim të qeverisë për të mbrojtur atë shtresë, për të cilën ka qenë e përcaktuar.
Të kalojmë te çështja tjetër. Nuk mund të ketë asnjë justifikim për çështjen e abuzimit me energjinë elektrike. Para 1990-ës mbaj mend në shtëpitë tona të gjithë ishin të kujdesshëm të mos linin dritat ndezur, ndërsa tani po të dalësh nëpër Shqipëri shikon edhe natën llamburitin të gjitha shtëpitë dhe dritat. Njerëzit duhet të jenë të kujdesshëm dhe duhet ta dinë që çdo gjë që harxhohet do të paguhet. Nga kujdesi askush nuk është i dëmtuar, aq më tepër kur dhe buxhetet e tyre e kanë të vështirë për t’i përballuar këto shpenzime. Pra, ndjenja për të qenë më të përgjegjshëm na bën mirë të gjithëve.
Eni Vasili – Pyetja ishte kjo, a jemi në një situatë ekonomike të tillë, ku qytetarët mund të përballojnë rritjen e çmimeve apo ristrukturim të çmimit, siç doni ta quani ju? Jemi duke folur gjithmonë për energjinë elektrike.

Ilir Meta – Për shtresën në nevojë kjo çështje është e zgjidhur. Ata do të kompensohen për diferencën. Janë 200 mijë familje që do të përfitojnë nga kjo gjë.

Eni Vasili – Përveç këtyre 200 familjeve, për të gjithë qytetarët e tjerë, çmimi do të rritet. A jemi në një situatë ekonomike të përballueshme?

Ilir Meta – Se sa do të rritet kjo është një çështje tjetër, besoj se do të ketë shpjegime të mëpasshme, por mendoj se të gjithë duhet të jemi të kujdesshëm, që të harxhojmë sa më pak energji. Të mos hapim dy televizorë e të tjera, e të tjera. Të gjithë duhet të jenë të vëmendshëm, të mos lëmë dritat ndezur kot, kur flemë gjumë. Pse t’i lëmë? Në kohën e Enverit, i linim ashtu dritat? Jo. Atëherë vinte fatura fikse dhe nuk i shpëtoje dot. Tani pse duhet ta bëjmë këtë? Sepse është demokraci, të gjithë harxhojmë energji dhe pastaj nuk paguajmë ose korruptojmë faturistët e OSHE-së dhe kështu me radhë. Në fund fare, përsëri vjerdhim veten tonë, sepse ato 150-200 milionë euro që ikin në këtë mënyrë, mund të shkojnë për të rritur pagat, pensionet, për të bërë investime në arsim dhe në shëndetësi. Aty duhet të shkojnë.

Eni Vasili – Sipas të dhënave të Ministrisë së Brendshme deri ditën e djeshme janë arrestuar 423 persona, 190 në kërkim, a e imagjinoni situatën në burgje? Gjithmonë për çështjen e energjisë.
Ilir Meta – Besoj se situata është shumë e qartë, nëse secili është në rregull, nuk ka asnjë arrestim, nuk ka asnjë problem dhe nuk ka asnjë shqetësim. Të gjithë duhet të jenë të qartë se nuk mund të vazhdojnë të harxhojnë energjinë si biznese të mëdha dhe të paguajnë sikur janë familje në ndihmë ekonomike. Kjo gjë nuk shkon, nuk ka logjikë, nuk ka sens. Jam i bindur se asnjë veprim nuk ka ndodhur në mënyrë arbitrare.

Eni Vasili – A është burgu një masë ekstreme për këtë çështje?

Ilir Meta – Mendoj se vjedhja e energjisë është një krim shumë i rëndë në kushtet në të cilat jemi dhe duhet të trajtohet si një gjë e tillë. Është gjë tjetër kur nuk i lajmëron njerëzit, por kur ti i lajmëron, i informon dhe ata përsëri e bëjnë këtë gjë, atëherë, cila është rruga që mbetet?
Eni Vasili – Një operacion tjetër i fortë që ka sjellë edhe reagime është…
Ilir Meta- Ju flisni vazhdimisht për shtresat në nevojë, por më të rregulltit janë ata që janë në nevojë.

Eni Vasili – Abuzuesit më të mëdhenj deri tani janë bizneset, dhe nuk kemi ndërkohë një hartë të bizneseve…

Ilir Meta – Ata që lënë shumë drita hapur kur flenë, janë abuzuesit më të mëdhenj. Nuk u dhimbset, sepse gjejnë mënyra të tjera për të mos paguar, apo jo?

Eni Vasili – Dakord, zoti Meta, qëndrojmë te një aksion tjetër i qeverisë, prishja e ndërtimeve të paligjshme. Opozita thotë se ai ka qenë selektiv, klientelist. Klientët e qeverisë janë kursyer. Sipas jush a e ka humbur besueshmërinë ky proces? A ka qenë selektiv?

Ilir Meta- Nuk mund ta gjykoj këtë çështje, sepse nuk jam gjykatës. Kur ka kontradikta të tilla, ata shkojnë në gjykatë. Ajo që unë apeloj është të zbatohet ligji, dhe të zbatohet në mënyrë të barabartë për të gjithë.
Për sa i përket opozitës, për fat të keq opozita është kundër çdo gjëje. Është kundër zbatimit të ligjit për energjinë elektrike, është kundër zbatimit të ligjit për të mbrojtur hapësirat publike. Nuk mund të vazhdohet në këtë mënyrë kaotike, sepse kjo mënyrë absolutisht që vetëm shton problemet ekonomike, sociale, rrit pasigurinë e pronës në vend.
Unë do ta ftoja opozitën që në mënyrë konstruktive dhe të përgjegjshme të bëhet pjesë e këtyre reformave dhe të monitorojë nga afër zbatimin e ligjit, por nëse çdo gjë do ta kthejë në politike edhe atëherë kur ka të drejtë, do ta kemi të vështirë të gjithë që ta besojmë.

Eni Vasili – Zoti Meta, reformat janë të dhimbshme. Kështu tha edhe zoti Rama. Janë reforma të dhimbshme edhe me kosto elektorale, megjithatë, sipas Kryeministrit, janë edhe të nevojshme. Ju mendoni se janë aq të nevojshme sa të ketë edhe kosto elektorale, duke qenë se LSI-ja është një parti shumë elektorale dhe shumë pranë elektoratit?

Ilir Meta – Edhe operacionet janë të dhimbshme, por janë të domosdoshme për të shpëtuar shëndetin apo për të kaluar në një gjendje më të mirë shëndetësore. Janë disa sëmundje të cilat nuk mundet të kurohen ndryshe, duhen edhe ilaçe të forta, pak edhe të hidhura, në mënyrë që nesër të gjithë të jetojmë në një vend më të shëndetshëm nga pikëpamja e zbatimit të ligjit, e sigurisë së jetës, e sigurisë së pronës, e sigurisë së shëndetit, e sigurisë së një arsimimi cilësor dhe jo fiktiv dhe natyrisht në një vend më të gjelbër, më të urbanizuar, në një vend vërtet europian.

Eni Vasili – Jeni koalicion i majtë, por politikat që proklamoni, masat shtrënguese, reformat e ndërmarra deri tani duket sikur janë tipikisht të djathta, po kështu edhe metodat me të cilat ato po bëhen. Liberalizimi i energjisë… Dhe tregon përgjegjshmëri të deputetëve dhe në fund të fundit, çdo deputet do të luftojë për atë fushë, të cilën ai e njeh më mirë. Për shembull, një deputet që është edhe mjek dhe i njeh mirë problemet e shëndetësisë, padyshim do të luftojë të shtohen investimet në fushën e shëndetësisë, një tjetër do të luftojë për të shtuar investimet në qarkun ku ai është zgjedhur e kështu me radhë.

Eni Vasili- E keni fjalën për debatin midis zotit Kokëdhima dhe zotit Beqja për maternitetin e Sarandës apo e keni fjalën për fasonët e zotit Vasili, sepse ka një material, i cili në një farë mënyre, e përmbledh?

Ilir Meta – Nuk e kisha fjalën për ndonjë rast të veçantë, por e kam në përgjithësi, që buxheti në fund fare është një kompromis për të arritur objektivat kryesore që ka një buxhet në drejtim të rritjes ekonomike të vendit dhe të shpërndarjes sa më të drejtë të kësaj rritjeje.

Eni Vasili – Zoti Vasili ka thënë dje se fondi për fasonët ka qenë 5 milionë në buxhetin e kaluar dhe tani është 2,5 milionë, ndërkohë që fasonët janë një nga fushat ku LSI-ja është investuar edhe politikisht, apo jo?

Ilir Meta- Padyshim, është një nga sektorët që ka kontribut ndër më të mëdhenjtë jo vetëm për rritjen e punësimit, por edhe për rritjen e eksporteve. Në këtë vit në krahasim me vitin e kaluar janë rritur eksportet me 30%, prandaj ky sektor do të vazhdojë të ketë mbështetjen tonë të plotë dhe të të gjithë qeverisë.

Eni Vasili- Fakti që ishte 5 milionë fondi për masonët në buxhetin e kaluar dhe tani është 2,5 milionë a e shqetëson LSI-në, që është kaq pranë fasonëve?

Ilir Meta- Fakti që ka një debat, tregon një shqetësim dhe natyrisht që do të punojmë për të bërë më të mirën.
Eni Vasili – Dakord.

Eni Vasili – Rikthehemi në këtë transmetim të drejtpërdrejtë të studios së hapur, të nderuar teleshikues. Jemi me kreun e LSI-së, Kryetarin e Parlamentit, zotin Meta. Deri tani folëm për protestat, për aksionet e qeverisë, sidomos aksionet shtrënguese të polemizuara, siç ishin aksionet për prishjen e ndërtimeve pa leje, apo rreth çështjes së energjisë, buxhetit, ndërsa tani do të kalojmë në disa çështje të tjera që kam renditur në këtë pyetësor për sonte. Do të doja një opinion shumë shkurt, një perifrazim, nuk e di, ndoshta dhe një batutë, në qoftë se ju vjen, për qeverisjen Rama, për ministrat e qeverisë.

Ilir Meta – Pse duhet të bëjmë batutë për këtë gjë?

Eni Vasili -Janë të mirë, janë të këqinj, janë në nivelin e duhur, ka nevojë për përmirësim?

Ilir Meta – Unë mendoj se qeveria ka treguar përkushtim për të realizuar reformat, për zbatimin e ligjit dhe ka një vizion të qartë për perspektivën. Kështu që këtu nuk ka nevojë për të bërë ndonjë batutë.

Eni Vasili – A kemi një qeveri diletante? E them diletante, sepse jam duke perifrazuar kreun e grupit parlamentar socialist, zotin Ruçi. Nuk e di nëse ju keni nevojë, unë mund ta rishfaq artikulimin e tij, nëse ju kujtohet, ka qenë në parlament.

Ilir Meta – Unë mendoj se te zoti Ruçi si politikan me shumë eksperiencë, nuk duhet shkëputur asgjë nga konteksti ose shqetësimi që ai mund të ketë shprehur.

Eni Vasili – Kishte të drejtë me kontekstin për të cilin fliste?

Ilir Meta – Mendoj se disa vërejtje të tij ishin të drejta, por më shumë ato synonin për të motivuar ministrat që ta bëjnë edhe më mirë punën e tyre.

Eni Vasili -Ministra që sillen si kryeministra, nuk qeveriset me aksione. Cilat nga këto fraza të zotit Ruçi janë të drejta sipas jush?

Ilir Meta – Mendoj se zbatimi i ligjit do të jetë një aksion i pandërprerë, sidomos në fushën e energjisë.

Eni Vasili -Zoti Meta, për shumë nga çështjet në ngjarjet kryesore ju keni zgjedhur së fundi të flisni pak, ose ndoshta fare. Prania juaj disi e kufizuar në media është vënë re nga të gjithë, nga kolegët e mi.

Ilir Meta – Më duket si legjendë kjo, sepse unë edhe si natyrë nuk është se jam ndonjë natyrë që flas shumë edhe kur ulem me dikë në tavolinë.

Eni Vasili – Ndoshta keni qenë më prezent në media. Tani është një strategji komunikimi juaja, e zyrës suaj të komunikimit, që të jeni më pak për shembull në studio të tilla. Unë kam një kohë të gjatë që insistoj.

Ilir Meta – Unë jam prezent aq sa mendoj se duhet. Asnjëherë nuk ka munguar qëndrimi im për çdo çështje të rëndësishme apo qëndrimi i forcës time politike.

Eni Vasili – A duket sikur ka një kontradiktë, një lloj konflikti në peshën që sot LSI-ja ka politikisht, pra me numrin e deputetëve më të madh që ajo ka pasur ndonjëherë dhe me protagonizmin politik? Po të shikojmë të gjitha reformat dhe aksionet për të cilat folëm apo dhe të tjera reforma, territoriale, reforma në drejtësi etj., janë reforma që shohin protagonistë zotin Rama. Ka një kontradiktë këtu me LSI-në? Nuk po them vetëm me ju personalisht, por me ministra të LSI-së etj.?

Ilir Meta – Nuk shoh asnjë kontradiktë. Zoti Rama është kryeministër i të gjithë qeverisë, jo vetëm i Partisë Socialiste dhe është normale që ai të ketë një protagonizëm më kryesor, por mendoj se të gjithë të tjerët kanë protagonizmin e duhur.

Eni Vasili – Zoti Rama thotë se këto reforma kanë edhe kosto të mëdha elektorale. Me gjithë protagonizmin, do t’i linit zotit Rama dhe kostot?

Ilir Meta – Mendoj se kostot janë të përkohshme, sepse reformat janë të shëndetshme. Pra, kostot janë si puna e ilaçeve që thamë, që janë të hidhura kur i pi, por më vonë të bëjnë mirë. Kështu që edhe në këtë drejtim natyrisht që ka qytetarë të cilët për momentin mund të jenë të pakënaqur, por nesër me rezultatet ekonomike që priten dhe që do të shkojnë në interes përsëri të tyre padyshim që do të bëjnë një rivlerësim të këtyre politikave, të këtyre reformave. Por në fund të fundit unë mendoj se zbatimi i ligjit është një rrugë pa kthim, cilado që të jetë kostoja dhe kjo është në interes të vendit.

Eni Vasili – Meqenëse jemi duke folur për Kryeministrin, zotin Rama dhe koalicionin, po jua bëj këtu pyetjen dhe nuk po ju pyes se cilat janë raportet me zotin Rama, apo cilat janë raportet e koalicionit pasi e imagjinoj përgjigjen.

Ilir Meta – Ju pyesni për çfarë të doni.

Eni Vasili – Jam shumë e qartë për përgjigjen që gjithçka shkon mirë, pasi në fakt ju nuk thoni nëse ka diçka që nuk shkon mirë, vetëm keni vepra në ato raste, siç patët për shembull me zotin Berisha që ju deklaruat gjithçka në momentin e fundit.

Ilir Meta – Në rast se ju do të jepni dhe përgjigjet e mia, unë përsëri nuk kam vërejtje, vetëm më mbetet t’ju falënderoj që nuk doni të më lodhni fare.

Eni Vasili – Pyetja që do t’ju bëj është pikërisht kjo, zoti Meta: LSI-ja përfundimisht është pozicionuar me koalicionet e veta në të majtë apo është fluide kjo lloj zgjedhjeje? E shihni në të ardhmen tuaj të mundshme dhe në koalicione të tjera me të djathtën? Zgjedhjet e 2015-s janë afër.

Ilir Meta – Këtë pyetje e shoh pa vend. LSI-ja dihet se është një forcë e majtë, një forcë progresiste, është një forcë e angazhuar për integrimin, jo thjesht integrimin evropian, por integrimin si filozofi, edhe shoqërore, sociale, ekonomike. Dhe LSI-ja është në vendin e saj, aq më tepër në këtë koalicion dhe nuk ka asnjë arsye për të menduar se çdo të ndodhë në të ardhmen, sepse besoj që e ardhmja është në rrugën e duhur.

Eni Vasili – Dëshiron t’ju pyes për raportin me zotin Rama?

Ilir Meta -Patjetër.

Eni Vasili – Cilat janë raportet me zotin Rama?

Ilir Meta – Janë shumë konstruktive dhe bashkëpunuese.

Eni Vasili – A ka probleme brenda koalicionit?

Ilir Meta – Brenda koalicionit, varet se çdo të thotë probleme, sepse dhe brenda një force politike mund të ketë mendime të ndryshme, por absolutisht që ky është një koalicion shumë më i qëndrueshëm dhe funksional.

Eni Vasili – Cili është plani i Ilir Metës? Është presidenca një target?

Ilir Meta –Së pari, unë as që nuk preferoj të prononcohem për çështje të cilat nuk e kanë kohën e duhur, sepse ne kemi një president i cili
… gëzon respektin tim të plotë dhe, së dyti, absolutisht kjo është një çështje e parëndësishme edhe për mua, edhe për Lëvizjen Socialiste për Integrim, në kuptimin që për ne mbetet e rëndësishme të përmbushim sa më shumë nga angazhimet që ne kemi marrë në zgjedhjet e 23 qershorit.

Eni Vasili – Pyeta pak më parë për problemet në koalicion, pasi janë dëgjuar edhe disa zëra të deputetëve socialistë të majtë që kanë atakuar ministra të qeverisë suaj apo duket sikur ka një lloj, nuk do të doja ta quaja selektive, por fakti, për shembull, që një drejtoreshë arsimore thuhet e propozuar nga LSI-ja, ndoshta nuk është, nuk e di, do të doja të ma thoshit ju, po apo jo, është arrestuar për korrupsion. Janë përfolur disa emra të tjerë për ngjarjet …

Ilir Meta – Jo 1, por edhe 100 të arrestojnë për korrupsion absolutisht nuk ka asnjë shqetësim dhe nuk ka asnjë problem në koalicion, sepse çdo punonjës, çdo drejtues duhet ta ketë të qartë se detyra e parë dhe e fundit është zbatimi i ligjit, dhe për më tepër nuk duhet të përfshihet në afera të ndryshme dhe akoma më shumë në shfaqje të tilla të shëmtuara, të neveritshme për të kërkuar ryshfete për vende pune. Kjo është një gjë e shëmtuar që meriton ndëshkim maksimal, maksimal, ndaj cilitdo, pavarësisht se çfarë përkatësie politike mund të ketë pasur apo mund të ketë edhe në të ardhmen dhe çfarë niveli mund të ketë.

Eni Vasili – Zoti Meta, cili është opinioni juaj në lidhje me punën e institucionit të akuzës, pra me punën e prokurorisë?

Ilir Meta – Puna e institucionit të akuzës është pjesë e punës së gjithë institucioneve ligjzbatuese e sistemit të drejtësisë. Prokuroria ka ndërmarrë angazhimet e saj në kuadër edhe të angazhimeve të përgjithshme dhe të gjithë strukturave të tjera shtetërore dhe të administratës. Mbetet i rëndësishëm bashkëpunimi, koordinimi midis tyre për të pasur efektivitet maksimal në zbatimin e ligjit dhe në dënimin e atyre që e shkelin ligjin.

Eni Vasili – Pak ditë më parë në komisionet parlamentare, në praninë e tij në komisionet parlamentare Llalla ka deklaruar se ka disa ministra dhe ish-ministra që janë nën hetim. Ju keni siguri që ministrat apo ish-ministra të LSI-së janë imun ndaj këtyre lloj hetimeve?

Ilir Meta – Unë nuk kam asnjë merak dhe asnjë shqetësim për këtë gjë, pasi porosia e parë që unë i kam dhënë çdo ministri dhe çdo personi nga LSI-ja që merr një detyrë të caktuar, dhe natyrisht që kjo është edhe porosia e LSI-së si parti, është zbatimi i ligjit dhe vetëm zbatimi i ligjit. Kështu që nuk kemi asnjë merak për asnjë person në rast se ekzistojnë persona të cilët shkelin ligjin.

Eni Vasili – Faleminderit për shpjegimet e deritanishme! Do të doja të qëndroja ende në këtë temë, por me lejen tuaj nëse edhe mund ta komentojmë së bashku më pas.

Ilir Meta – Mos më merr mua leje për pyetjet që do të bësh, të lutem.

Eni Vasili – Jo, nuk do të bëja pyetja, në fakt, ja tani do t’jua them, zoti Meta. Stafi i emisionit më lajmëron që FMN-ja ka nisur një konferencë shtypi në këto momente dhe, meqenëse jemi në transmetim të drejtpërdrejtë, mund të ndjekim një sekuencë shumë të shkurtër për të diskutuar së bashku, meqenëse folëm edhe për buxhetin edhe për të gjitha sugjerimet që FMN-ja ka vënë në tryezën e qeverisë, në tryezën tuaj. Për pak minuta do të jemi drejtpërdrejt me këtë konferencë për shtyp të ministrit Cani, siç e shikoni, dhe përfaqësuesve të FMN-së.
Eni Vasili – i tregut të energjisë, rritje e taksave e të tjera.

Ilir Meta – Nuk mendoj se zbatimi i ligjit dhe lufta kundër abuzimit me energjinë apo me okupimin e territoreve publike është një frymë e djathtë, sepse do të dilte sikur e majta është kundër zbatimit të ligjit, kundër shtetit ligjor. Unë besoj se nuk ka dallime të majtë-të djathtë në këtë drejtim.
Për sa i takon pastaj politikës së taksës, rishpërndarjes së tyre, natyrisht do të ishte politikë e djathtë. Në qoftë se do të ndodhte ristrukturimi i çmimit të energjisë dhe familjet në nevojë nuk do të kompensoheshin për diferencën, sigurisht, kjo pastaj ishte një çështje tjetër, por, në rastin kur ti ndërmerr një reformë për të evituar abuzimin për masa të mëdha që bëhet me diferencë midis dy çmimeve dhe mbron shtresën në nevojë, kjo është një reformë e shëndetshme dhe një reformë sociale.

Eni Vasili – Kemi rritje taksash edhe në buxhet dhe për këtë do të flasim më tej. Kishim një projektligj edhe për rritjen e çmimit të…

Ilir Meta – Kemi edhe rritje, edhe ulje.

Eni Vasili – …të gjobave e të tjera.

Qëndrojmë te buxheti i vitit 2015, meqenëse jemi këtu, zoti Meta?

Ilir Meta – Patjetër!

Eni Vasili – U miratua në parim. Të enjten pritet votimi në tërësi. Nuk e di, ndoshta do të keni përsëri ndonjë ditë të gjatë, por nuk besoj, dua një përgjigje të sinqertë. Ky buxhet që keni pasur prej kaq kohësh në duar, që është diskutuar gjatë edhe nëpër komisionet përkatëse, a i përmbush prioritetet e programit tuaj, programit të LSI-së e kam fjalën?

Ilir Meta – Çdo buxhet ka mangësitë e tij. Edhe një buxhet më i favorshëm do të kishte mangësitë e veta, por unë mendoj që është një buxhet optimal, sepse për herë të parë Shqipëria pas katër-pesë vjetësh, jo vetëm e stabilizon borxhin publik, por edhe fillon dhe e ul atë. Njëkohësisht ul në mënyrë të ndjeshme deficitin publik dhe jo vetëm kaq, por absolutisht që mënyra e kompozimit të këtij buxheti jep mundësi jo vetëm për një rritje ekonomike prej të paktën 3% për vitin e ardhshëm, por edhe për rritje ekonomike më të lartë në një plan afatmesëm, pra në 2016-2017 dhe në vijim. Pse? Sepse mbështeten disa nga sektorët të cilët kanë kapacitetin dhe potencialin për të kontribuar më shumë në rritjen ekonomike të vendit në të ardhmen. Këtu kam parasysh turizmin, veprat e parashikuara në infrastrukturë në mbështetje të tij, bujqësinë dhe agropërpunimin. Kam parasysh stimulimin e rëndësishëm që i jepet industrisë përpunuese të burimeve natyrore në vend dhe në mënyrë të veçantë edhe mbështetjen që jepet për energjinë, e cila natyrisht duket si një kosto shtesë këtë vit për buxhetin, por deri diku edhe për qytetarët, por është një investim i sigurt për ristrukturimin e të gjithë sistemit të energjisë dhe shndërrimin e tij në një faktor pozitiv për rritjen ekonomike në vitet e ardhshme.

Eni Vasili – Pra, është buxheti i duhur për ju, edhe pse edhe deputetë të LSI-së e kanë atakuar, e kanë kritikuar.

Ilir Meta – Ky buxhet varet nga këndvështrimi sesi e shikon. Kushdo ka mundësi…

Eni Vasili – Për shembull, opozita thotë se ky buxhet varfëron shqiptarët dhe i jep luks qeverisë. Ky është këndvështrim i opozitës.

Ilir Meta – Tani, edhe t’i gënjejmë shqiptarët se mund të bëjmë sikur rrisim rrogat, sikur rrisim pensionet, ndërkohë të dalë borxhi totalisht nga kontrolli, të dalë deficiti nga kontrolli, të dalë gjithçka nga kontrolli dhe të shkojmë drejt një gremine, unë mendoj se kjo nuk është zgjidhja, sepse nuk kemi pse t’i gënjejmë dhe t’i mashtrojmë shqiptarët.
Fakti që në këtë vit u arrit një progres i qëndrueshëm dhe i sigurt në rritjen e të ardhurave tregoi që kjo qeveri, edhe pse e re në detyrë, arriti të formalizojë një pjesë të mirë të ekonomisë, të luftojë evazionin, korrupsionin e kështu me radhë.
Fakti që parashikohet përsëri për vitin e ardhshëm një shtesë të ardhurash prej gati 450 milionë eurosh, nga të cilat vetëm një e treta do të jetë si rezultat i ndikimit të taksave që rriten, por dy të tretat, pra gati 300 milionë euro, do të jetë përsëri si rezultat i përmirësimit të administrimit të tatimit, të doganave e kështu me radhë, tregon se kemi të bëjmë me një ecuri pozitive dhe të qëndrueshme ekonomike në vend.
Tani kanë shumë rëndësi shifrat e investimeve në çdo sektor, por mbi të gjitha ka rëndësi cilësia e investimeve.

Eni Vasili – Investimet janë ulur, taksat janë rritur, nuk rriten pagat, nuk rriten pensionet.

Ilir Meta – Gjithçka është relative, pasi e theksoj edhe një herë tjetër, është shumë e rëndësishme cilësia e investimeve, pra investime të cilat ndikojnë në rritjen ekonomike në të ardhmen dhe jo investime të cilat thjesht përfaqësojnë harxhimin e fondeve dhe një bllokim të tyre, për të mos thënë diçka tjetër. Kështu që unë besoj se qeveria gjithashtu i ka të gjitha mundësitë që përmes partneritetit publik-privat të shtojë investimet në ekonomi. Pra, jo gjithmonë drejtpërdrejt përmes buxhetit të shtetit dhe investimeve kapitale. Kjo qeveri po punon në këtë drejtim.

Eni Vasili – Opozita gjithmonë ka një këndvështrim ndryshe nga qeveria, edhe për projektbuxhetin…

Ilir Meta – Është normale.

Eni Vasili – Kjo është një gjë normale.

Ilir Meta – Edhe brenda maxhorancës ka pasur vërejtje, siç thatë ju, ka pasur kritika dhe këto janë shumë normale.

Eni Vasili – Do të doja të risillja në vëmendjen tuaj pikërisht këtë që është e veçantë sot. Kjo nuk është normale të paktën për situatën tonë politike në Shqipëri deri tani, pak është parë që buxheti të atakohet në njëfarë mënyre nga vetë deputetët e maxhorancës.

Ilir Meta – Në qoftë se nuk do të kritikohej, pastaj do të thoshim: ç’është ky parlament kukull që noterizon buxhetin e qeverisë?!
Mendoj se debati është i shëndetshëm dhe tregon përgjegjshmëri…

Eni Vasili – Ka një lloj perceptimi sikur prania e FMN-së i detyron këto masa shtrënguese të qeverisë shqiptare. A është e vërtetë?

Ilir Meta – Masat shtrënguese, siç i quajtët ju, apo këto reforma strukturore, nuk vijnë nga FMN-ja, por vijnë nga situata e trashëguar makro-ekonomike dhe financiare, e cila po dilte jashtë kontrollit, prandaj u thirr FMN-ja. FMN-ja është si të thërrasësh doktorin në shtëpi. Doktori sjell me vete ilaçe, nuk sjell llokume. Natyrisht, është një instrument shumë i rëndësishëm për të programuar reformat e duhura për të dalë nga një gjendje kritike dhe për t’u futur në një rrugë të sigurt të zhvillimit ekonomik. Kështu që, në këtë drejtim, FMN-ja ka një angazhim të qartë për të mbështetur qeverinë shqiptare, që të arrijë ato objektiva, të cilët bëjnë të mundur lënien pas të një situate mjaft kritike ekonomike dhe financiare dhe futjen në një periudhë të re, jo vetëm të stabilitetit, por edhe të rritjes, mundësisht, të atyre niveleve që Shqipëria ishte para krizës në Eurozonë.

Eni Vasili – Do të shohim më pas, kur të flasë shefi i FMN-së, se ndoshta do të na lëvrohet kësti i radhës. Me sa di, deklarohet në këtë konferencë. Ju keni informacione, pasi bisedimet janë zhvilluar në kohën që ishit në këtë emision?

Ilir Meta – Në çdo rast, këstet e radhës do të lëvrohen, sepse do të arrihen të gjithë ata objektiva që kërkon përmbushja e detyrimeve reciproke.

Eni Vasili – Do të jetë interesant opinioni i shefit të FMN-së për situatën ekonomike, energjinë, buxhetin etj. Ecim më tej me intervistën tonë, zoti Meta. Po flisnim për organin e akuzës. Doja të ndaloja tani në një ngjarje të rëndë: në rastin e Kostandin Xhuvanit. Besoj ju kujtohet djali i deputetes së PS-së, zonjës Xhuvani, dhe vrasja e katërfishtë që kreu në Tiranë. Një ngjarje që flet shumë. Është si ai guri në ujë, që tregon shumë rrathë problematikë rrotull. Pra, një shtet që nuk ka funksionuar ose, më keq akoma, me të cilin është abuzuar: me ligjin, me prokurorinë, me gjykatën. Pra, shteti nuk ka funksionuar në rastin Kostandin Xhuvani. Kush mban përgjegjësi për këtë?

Ilir Meta – Unë besoj se kjo është një ngjarje tepër e rëndë dhe tragjike, e cila, për fat të keq, mori disa viktima të pafajshme. Natyrisht që është një përgjegjësi e drejtësisë që jo vetëm t’i shkojë deri në fund kësaj çështjeje dhe ta zbardhë me transparencë të plotë, por edhe të japë dënimin e merituar. Për sa i takon çdo lloj aludimi për ndonjë ndërhyrje politike, në rastin konkret, unë besoj se vetë ish-deputetja, zonja Xhuvani, me aktin e saj të dorëheqjes donte të jepte mesazhin që drejtësia duhet të bëjë punën e saj.

Eni Vasili – Nuk ishte hera e parë që Xhuvani kryente një krim shumë të rëndë. Ai kishte kryer më përpara një vrasje që kishte përfunduar me pak muaj burg. Në këtë rast, u gjithëpranua që ndikimi politik kishte ndikuar në prokurori etj. A është ky një moment reflektimi? A duhet të mbajë dikush përgjegjësi për këtë çështje? Vrasja e katërfishtë mund të ishte parandaluar.

Ilir Meta – Padyshim që është një moment reflektimi për të gjithë. Drejtësia duhet ta thotë fjalën e saj me forcë në këtë rast, por edhe në çdo rast tjetër, kur persona të afërt me politikanë, me zyrtarë të lartë, sillen në mënyrë të papërgjegjshme, duke shkelur ligjin dhe cenuar jetën e qytetarëve.
Eni Vasili – A duhet të ketë një hetim, në mendimin tuaj, edhe për gjykatësit që kanë dhënë këtë masë për zotin Xhuvani në gjykimin precedent?

Ilir Meta – Përderisa ka dyshime, si këto që ngrini ju, patjetër që mund të ketë dhe duhet ketë.