Aktori i famshëm turk në Vlorë, kryebashkiaku: Nuk kisha parë kaq shumë njerëz të prisnin në radhë për foto

Aktori i mirënjohur turk, Burak Özçivit ka zgjedhur qytetin bregdetar të Vlorës për të të pushuar së bashku me bashkëshorten e tij.

Kryetari i Bashkisë, Ermal Dredha përmes një postimi në rrjetet sociale, shkruan se Vlora i la mbresa të shkëlqyera, ndërsa thekson se shumë njerëz pritën në radhë për të bërë foto.

”Deri sot, nuk kisha parë kaq shumë njerëz në Vlorë, të prisnin në radhë, për të bërë një fotografi me Burak Özçivit.

Kënaqësi ta prisja sot në zyrë, bashkë me stafin e bashkisë, dhe të kalonim kohë në Vlorën që i la mbresa të shkëlqyera! Na bënë bashkë projektet që kanë qëllim promovomin e Vlorës si destinacion turistik dhe jo vetëm”.