Aktori i njohur Florjan Binaj: Rama ka nxjerrë në fushë-betejë patronazhistët dhe sufllaqexhinjtë

Aktori i njohur i humorit, Florjan Binaj nuk ka munguar as në protestën e kësaj të premte para Kryeministrisë. Në fjalën e tij, aktori ka thënë se nga suksesi i protestës, kryeministri Edi Rama ka nxjerrë në terren patronazhistët dhe sufllaqexhinjtë.

”Nga suksesi i protestës, në vend që të heqë taksat që ne kërkojmë të hiqen nga nafta, ka nxjerrë në fushë-betejë patronazhistët dhe sufllaqexhinjtë dhe servilat që hedhin vrer në këtë protestë, a thua se të gjithë ju keni ardhur për t’u bërë president e kryeministra.

E kemi edhe presidentin dhe kryeministrin që mos e paçim. Kemi ardhur për të bërë që populli të jetë në gjende të hajë bukë. Ata që bëjnë patronazhistët të mos hajnë më m*t. Edhe një gjë për qeverinë. Kur shikon gjithë këta njerëz në shesh nga cila anë do flesh?”.