Arrestohet lideri shpirteror i Vetvendosjes Albin Kurti

Para pak çastesh është arrestuar deputeti i Lëvizjes Vetëvendosje, Albin Kurti në magjistralen Ferizaj-Prishtinë.

Këtë e ka konfirmuar për “Zërin”, zëdhënësi i Policisë së Kosovës, Baki Kelani, i cili ka thënë se Kurti është arrestuar në bazë të urdhëresës së dhënë nga prokurori kompetent.

“Po, mund të konfirmojmë se sot në orët e mbrëmjes, në hyrje të Prishtinës, në bazë të urdhëresës së dhënë  nga prokurori kompetent, njësitet relevante policore kanë ndaluar z.Kurti dhe të njëjtin e kanë shoqëruar në stacion policor për intervistim. Të gjitha veprimet e mëtutjeshme policore do të ndërmerren në konsultim dhe koordinim me prokurorin kompetent”, ka deklaruar Kelani për “Zërin”.