Arvizu: Vizita e Ramës në Beograd, e rëndësishme dhe historike

Një vlerësim të tillë rreth saj e ka bërë vetë ambasadori amerikan në vendin tonë, Aleksandër Arvizu, pas një takimi që zhvilloi sot me Avokatin e Popullit, Igli Totozani.

“Duke shpresuar që të dyja vendet do të mund të ndërtojnë mbi këtë vizitë, dua të theksoj se ka qenë inkurajuese që pas incidenteve që ndodhën në ndeshjen e futbollit të dyja vendet caktuan një datë tjetër për t’u takuar, kjo është shumë pozitive. Do t’ia lë qeverisë shqiptare dhe asaj të Serbisë që të adresojnë pikat e tyre specifike”, tha gjithashtu ai.

Duke përfunduar me faktin se të dyja vendet, mund të ndërtojnë disa hapa të rëndësishëm. “Le të shpresojmë që ata të mund të punojnë me njëri-tjetrin dhe z. Vuçiç të vizitojë Shqipërinë në 2015-ën dhe kjo do të jetë diçka shumë e rëndëishme për rajonin dhe gjithë Europën”, pohoi Arvizu.