Basha akuza Ramës: Po shkatërron shëndetin e njerëzve! Lekët që u merr shqiptarëve nuk i investon në shëndetësi

Kreu i Partisë Demokratike, Lulzim Basha akuzon kryeministrin Edi Rama se po u merr lekët shqiptarëve dhe po ua jep miqve të tij, nuk i investon në shëndetësi.

Në një status në Facebook, kryedemokrati Basha thotë se Rama pasi shkatërroi ekonominë tani po shkatërron edhe jetët e njerëzve.

“Dje kishim mbi 500 raste të reja të raportuara të koronavirusit në Shqipëri, numri rekord më i lartë që nga fillimi i pandemisë.

Çfarë bën Rama? Asgjë! Ai nuk ka asnjë plan. Spitalet janë në kolaps, të sëmurët dergjen në ambulanca.

Rama ju merr shqiptarëve lekët e taksave, dhe në vend që ti investojë në shëndetësi, jua jep miqve të vet. Pasi shkatërroi ekonominë, Rama po shkatërron jetët dhe shëndetin e njerëzve. Ai duhet të largohet.

Bashkë do ti fitojmë zgjedhjet, do ta ngremë ekonominë dhe do të sigurojmë ndihmë për çdo familje”, shkruan Basha,