Basha apelon: Përgatitje serioze për përballimin e situatës së mundshme të corona virus-it

Partia Demokratike po ndjek seriozisht dhe me përgjegjësi situatën për marrjen e masave kundër përhapjes së corona virus-it në vend.

Deklarata vjen nga kryetari i PD, Lulzim Basha i cili thekson se grupe pune po kryejnë verifikime pranë qendrave shëndetësore, spitaleve dhe vendkalimeve kufitare, dhe gjendja, sipas tij, nuk është siç e paraqet propaganda e qeverisë.

“Në pjesën më të madhe të  qendrave mungojnë pajisjet mbrojtëse dhe spitalore. Duhet URGJENT heqje dorë nga propaganda dhe përgatitje serioze për përballimin e situatës së mundshme të corona virus-it që tashmë është i pranishëm në pothuajse të gjitha vendet fqinje me Shqipërinë”, njofton kryedemokrati Basha.