Kryetari i PD-së, Lulzim Basha është i bindur se partia nuk po shkon drejt ndarjes dhe se 18 dhjetori është dita e bashkimit të demokratëve. Gjithashtu Basha nuk ka nguruar që të akuzojë Sali Berishën, duke thënë se po përdor demokratët për hallet e tij personale.
“Nuk ka palë në PD, ka një PD, ka një Kuvend më 18 Dhjetor, sipas vendimit të Kryesisë së PD. Ka një individ, i cili po përpiqet ta përdorë PD si mburojë ndaj halleve dhe problemeve personale që ka pas shpalljes së tij non grata nga SHBA. Për këtë arsye, Kuvendi i 18 Dhjetorit, do të jetë një Kuvend bashkimi i të gjithë demokratëve”,-tha për ”Tv Klan”.
Ndër të tjera, Basha e cilëson antistatutor thirrjen nga Berisha në 11 dhjetor të Kuvendit Kombëtar të demokratëve. A është i mundshëm një bashkim mes Berishës e Bashës? “Për fat të keq Sali Berisha ka hedhur në erë çdo urë të mundshme të afrimit me demokratët”.
