Basha: Futja e njëanshme e draftit në Kuvend anti-kushtetuese

Kreu i PD-së, Lulzim Basha në mbledhjen e grupit ka folur futjen e draftit të reformës në drejtësi në kalendarin e Kuvendit.

Burime brenda PD-së bëjnë të ditur se Basha ka deklaruar se futja e draftit në mënyrë të njëanshme është antikushtetuese dhe në kundërshtim me rregulloren.

Basha ka deklaruar se nuk mund të ketë reformë në drejtësi me këtë standard.

Qëndrimin e saj, PD e shprehu edhe dje pas letrës së Gramoz Ruçit drejtuar Ilir Metës.

Kreu i grupit parlamentar, Edi Paloka tha se futja në kalendarin e Kuvendit të draftit është një provokim për opozitën.