Basha: Lufta personale e Ramës me sipërmarrësin italian Becchetti do t’u kushtojë shqiptarëve 110 mln euro

Kreu i PD, Lulzim Basha, ka publikuar një tjetër dështim sipas tij të kryeministrit Edi Rama në 8 vite. Duke iu referuar vendimit të gjykatës së arbitrazhit të një dite më parë, Basha shkruan se lufta personale e Edi Ramës do t’u kushtojë shqiptarëve 110 mln euro, 4560 lekë çdo shqiptar.

“21 ditë deri më 25 prill. 100 dështimet e Ramës në 8 vite. Sa do t’u kushtojë shqiptarëve lufta personale e Edi Ramës me sipërmarrësin italian Francesco Becchetti?

Përgjigjja: 110 milionë euro për shkak të papërgjegjshmërisë së Edi Ramës, çdo shqiptar do të paguajë 4.560 lekë për mbylljen e televizionit ‘Agon’”, shkruan Basha.