Basha, marrëveshje me shoqatën e fasonëve: Paga minimale në fund të mandatit 400 euro

Kryetari i Partisë Demokratike Lulzim Basha, ka firmosur sot, 8 ditë para zgjedhjeve parlamentare të 25 prillit, marrëveshjen me shoqatën e bashkuar të fasonëve.

Në fjalën e tij me të pranishmit, Basha tha se fasoneria edhe pse është një nga sektorët më të rëndësishëm sa i përket punësimit, nuk është ndihmuar për 8 vite.

Sipas Bashës, rritja e pagave është një nga objektivat kryesore të programit të PD, dhe ndaj u zotua se “që në vitin e parë paga minimale do të jetë 300 euro dhe në vitin e katërt të qeverisje tonë 400 euro”.

Kreu i opozitës, këtë marrëveshje e ka konsideruar si njё garanci shtesë e zotimeve të qeverisë së tij nëse vjen në pushtet, “për të shëruar, për ta rritur dhe transformuar fasonerinё nё njё sektor tё fuqishëm zhvillimi me investime kapitale”.

Lideri i opozitës theksoi se me taksën e sheshtë 9%, kontributet 18, heqja e “taksës Rama” 240 lekë mbi karburantin, kjo pjesë e paketës do të prekë gjithë ekonominë shqiptare e në veçanti sektorin e fasonerive.