Basha ndan foto nga takimi madhështor në Korçë: Do ti japim jetë planeve tona për një politikë të pastër

Demokratët e Korçës i bënë një pritje madhështore kryetarit të PD-së Lulzim Basha. Teksa ka ndarë foto nga takimi me ta, Basha shkruan në facebook, se së bashku me demokratët që mbështesin PD, ata do ti japin jetë planeve për një politikë të pastër.

”Me qytetari dhe entuziazëm demokratët e Korçës kanë zgjedhur të ardhmen! Së bashku ne do të ecim përpara me vendosmëri për t’i dhënë jetë planeve tona për një politikë të pastër.

Që lufton korrupsionin dhe garanton themelin e demokracisë, votën e lirë, pa të cilën nuk mund të kemi një ekonomi të fortë dhe mirëqenie për të gjithë.

Kjo është rruga drejt një të ardhmeje më të mirë. Ne do ta ndërtojmë të gjithë bashkë”.