Basha në SHBA, nuk e arreston njeri!

Ish-kreu i Partisë Demokratike, Lulzim Basha ndodhet në SHBA dhe kështu u jep përgjigje indirekte akuzave se ai nuk mund të udhëtojë në këtë vend.

Në fotot që po qarkullojnë në rrjete sociale, Basha shfaqet pranë Presidentes së BERZH-it, Renaud-Basso në Qendrën Amerikane për Studime Strategjike.

Pak muaj më parë, Lulzim Basha mori një ftesë publike nga Gabriel Escobar, Sekretar i Shtetit për Çështjet Europiane dhe Euroaziatike. Por nuk dihet nëse Basha ka udhëtuar drejt SHBA-së me ftesë të Escobar.

Kjo është vizita e parë e tij në SHBA, pas një kohe të gjatë dhe situatës së shkaktuar në PD-së.

Deri tani Berisha ka thënë se Lulzim Basha nuk mund të udhëtojë në SHBA se ka probleme me drejtësinë amerikane, por kjo foto rrëzon akuzat ndaj tij.