Basha: Paketat e qeverisë gjysmake

Kreu i PD-së, Lulzim Basha paketën e dytë ekonomike e cilësoi gjysmake. Ai tha se qeveria lekët i ka në buxhet, ndërsa tregoi edhe formulën si mund të gjenden 260 mln euro.

“E dyta janë familjet në nevojë. Paketën po e marrim të mirëqenë që u shpall sot dhe ti shtojmë edhe paketën e para një muaji që akoma nuk është zbatuar, prapë janë sa 2/3 e paketës së Kosovës, që po bën gati të dytën. Po ecet me gjysmë pakete me gjysmë pakete, qeveria i ka mundësitë, po të dojë i gjen paratë. 120 mln euro koncesionet, 100 mln euro të investimeve publike, 40 mln të shpenzimeve operative, përbëjnë 260 mln euro. Akoma më dramatik është zbatimi i paketës. E vlerësova kur kryeministri në 17 mars shkroi se ata që janë dëmtuar do të kenë lekët në kontot e tyre bankare. Në fund të fundit qeveria shtyhet të veprojë më shpejt, ky është roli i opozitës, kur e ka bërë e kemi përshëndetur dhe këtë do ta bëjmë, por nëse dicka thuhet dhe dicka tjetër bëhet problemi është cfarë arrin te qytetari? Pasi nëse ndihma nuk arrin situata kushton shumë rëndë. Sot kemi paqartësi, nervozizëm dhe pamundësi. Duhet të veprohet në shëndetësi, shtresat në nevojë dhe ekonomia. Duke e përshëndetur në parim paketën e dytë, duke e quajtur edhe si presion nga opozita dhe biznesi, duhet ta shoh të zbardhur dhe i bëj thirrje të zbatojë paketën e parë”,-tha në “Report Tv”.