Ish-kryedemokrati, Lulzim Basha, ka deklaruar se PD-në nuk e drejton më Sali Berisha. Edhe pse Berisha ende konsiderohet nga disa individë dhe media si kreu i Partisë Demokratike, Basha sot ka qenë i prerë, ndaj pyetjes së gazetarit që Berisha është përjashtuar nga PD-ja.
“PD nuk e drejton Berisha. Është përjashtuar”,- thotë Basha.
“Do ta tregoj me vepra dhe jo me fjalë që e marr vendime në interes të demokratëve. Dua tu them demokratëve që edhe në rastin e vendimit që do të marr do të udhëhiqem nga vullneti i tyre i lirë. Si kam parë videot e dhunës! Nuk jemi për debat këtu. Përgjigja ime është që dje e refuzoj dhe distancohem dhe dënoj me forcë fjalën e banalitetin që janë shkëmbyer në një moment tensioni, ku pjesë e tyre kanë qenë edhe gazetarët. Dënoj me forcë çdo sjellje kërcënuese. Ju ftoj të më dëgjoni! Keni mbështetjen time personale dhe politike! Nuk jam i butë jam i vendosur, por nuk mendoj se dhuna dhe lufta kundër mendimit ndryshe kanë vend në një demokraci dhe aq më shumë në një demokraci ku pretendojmë që ta prezantojmë në brezi i ri. E dënoj me forcë dhunën dhe u bën thirrje demokratëve që të përpiqemi që diferencat mes nesh ti sheshojmë në mënyrë civile“, tha Basha më tej para gazetarëve.
