Basha: PD nuk është strehë e së kaluarës, të kontribuojnë për të ndërtuar një të ardhme më të mirë

Kryetari i PD-së, Lulzim Basha sot është takuar me demokratët e degës nr.7 në Tiranë, ku përmes një postimi në facebook, thotë se selia blu nuk është strehë e së kaluarës. Basha nënvizon dhe i bën thirrje shqiptarëve, që të bashkohen me Partinë Demokratike për të ndërtuar një të ardhme më të mirë në Shqipëri.

”Demokratët e Degës nr. 7 në Tiranë kanë zgjedhur të ardhmen, pa mohuar në asnjë çast të mirat që kemi bërë për shqiptarët, por pa u bërë strehë e gabimeve dhe të metave të së kaluarës.

Ne kemi një qëndrim të vendosur kundër korrupsionit, si armik i mirëqenies së shqiptarëve, dhe një vizion të qartë për t’i dhënë fund tranzicionit, duke u bashkuar nëpërmjet vlerave me të gjithë ata që duan të kontribuojnë me zemër për të ndërtuar një të ardhme më të mirë për Shqipërinë dhe shqiptarët”.