Basha përkujton Ibrahim Rugovën: Arkitekti i pavarësisë së Kosovës mbetet frymëzim për çdo shqiptar

Kryetari i demokratëve Lulzim Basha ka përkujtuar 16-vjetorin e ndarjes nga jeta e Ibrahim Rugovës, të cilin e quan arkitektin e pavarësisë së Kosovës që mbetet frymëzim për çdo shqiptar. “Trashëgimia e tij politike dhe intelektuale, shndrin si arritja më e madhe e një lëvizjeje politike paqësore, e mishëruar sot në shtetin e pavarur të Kosovës”.

Postimi i plotë

Ne përulemi me mirënjohje të thellë kombëtare në këtë përvjetor të ndarjes nga jeta, para emrit dhe veprës së përjetshme të Ibrahim Rugovës, simbolit të përpjekjeve të Kosovës për pavarësi dhe shqiptarit që udhëhoqi lëvizjen më të madhe paqësore të Europës moderne.

Arkitekti i pavarësisë së Kosovës mbetet frymëzim për çdo shqiptar që e ka të shenjtë interesin kombëtar.

Trashëgimia e tij politike dhe intelektuale, shndrin si arritja më e madhe e një lëvizjeje politike paqësore, e mishëruar sot në shtetin e pavarur të Kosovës