Basha: Rama, shef i hajdutëvë kërkon një fund si të diktaturës

Kreu i opozitës Lulzim Basha ka reaguar për dy zhvillime të ditës së sotme. Së pari për ndryshimin e masës së sigurisë së deputetit Armando Prenga nga Gjykata e Lartë dhe së dyti për kërcënimin e qeverisë me shkarkim të presidentit Nishani, lidhur me çështjen e dekreteve të ministrave. Më poshtë deklarata e plotë e Bashës.

Sa më të mëdha dështimet e korrupsioni, sa më thellë shkon varfëria e papunësia, aq më shumë çirret propaganda e atij që i ka kthyer me kohë kurrizin qytetarëve dhe realitetit, e qëndron mbyllur në salla duartrokitjesh të mbushura me nëpunes që kërcënohen nëse nuk brohorasin udhëheqësin.
Përpara se të ndosë perseri ambjentin me suksese që ekzistojne vetem ne fantazine e tij te semure, shefi i hajdutëve të koncesioneve e tenderave, kreu sot dy akte të rënda.
Më së pari nxorri krejt të lirë deputetin gangster Armando Prenga që me dorën e tij shkaktoi gjakderdhje brenda ne komisariat, dhe pak më vonë kërcënoi me shkarkim nga detyra Presidentin e Republikës.
Mercenari Prenga, nën akuzë për plagosje e armëmbajtje pa leje, i lirë, Presidenti i vendit nën paralajmërim, sepse ka vonuar dekretimin e zgrapësit Ahmetaj, çarter-kleptokrati që duhet sa më shpejt të nisë punën për koncesionin e TVSH për Olsin.
Këto janë standardet e këtij kryeministri që po kërkon me forcë një fund si të 20 shkurtit.