Basha-Ramës: Ke hutuar doktorin! Berisha nxjerr Metën si deputet nga 313

Lulzim Basha ka shënjestruar Berishën përmes ”serialit” me Ramën. Kjo lidhur me kërkesën e PD-së ndaj KQZ se po përdor logon dhe simbolet e saj. Në videon e radhës, Basha i thotë kryeministrit se e ka ‘hutuar’ doktorin saqë e akuzon atë për logon. Për të Berisha mori logon e PD në këmbim të Ilir Metës në burg, nga ku e ka nxjerrë edhe si kandidat për deputet.

”O Rame kaq shumë e ke hutuar doktorin pasha Zotin. Megjithëse i ke dhënë logon, prapë thotë logon e ka Lul Basha. Eh mo Rame ça ustai je. I ke dhënë një buf të bardhë atij dhe vetë mban buf floriri. E fërkon atë bufin e floririt naj çikë. Se vetëm ai bufi i floririt të mban në pushtet.

Kështu kujton se zgjidhet puna e trekëndëshit? Ia dhe logon e PD doktorit që të nxjerrë te 313 Ilir Metën deputet. I ke bërë hesapet pa hanxhi mo Rame. Doni me e marrë Shqipërinë pajë por e keni tepru shumë. O trash zullumi Rame, 7×7 +313, bëjini gati këmishat me vija”, thotë Basha.