Basha shfaqet i lumtur në Kuvend krah kolegëve nga Kosova: Moment i bukur dhe emocionues

Pas një heshtje edhe në Kuvend, ku merr pjesë në seancat plenare, në mbledhjen e parë të Kuvendeve të Shqipërisë dhe të Kosovës, Lulzim Basha ka postuar një foto në facebook.

Ish-kreu demokrat shihet i ulur bashkë me ligjvënës të tjerë të Partisë Demokratike dhe kolegë nga Kosova, ndërsa Kuvendi ka nisur seancën e përbashkët në prag të 110-vjetorit të Pavarësisë.

“Nisim sot mbledhjen e parë të përbashkët të Kuvendit të Shqipërisë dhe Kuvendit të Kosovës. Një moment i bukur dhe emocionues në prag të ditës së Pavarësisë dhe themelimit të Shtetit shqiptar”.