Basha: Shqipëria në varfëri të plotë, Rama e ministrat e tij shumëfishojnë pasurinë. Koha për një qeveri që kujdeset për njerëzit

Kryetari i Partisë Demokratike, Lulzim Basha thotë se nën qeverisjen e Ramës, qytetarët po varfërohen, ndërsa ministrat e qeverisë pasurohen.

Në një postim në Facebook, Basha shkruan se ndërsa Rama dhe ministrat e tij shumëfishojnë pasuritë e tyre, Shqipëria varfërohet. Kryedemokrati thotë se ka ardhur koha për një qeveri që kujdeset për njerëzit.

“Ndërsa Rama dhe ministrat e tij shumëfishojnë pasuritë e tyre, Shqipëria varfërohet. Papunësia është shtuar, kosto e jetesës është bërë e papërballueshme. Ka ardhur koha për një qeveri që kujdeset për njerëzit. Ka ardhur koha për një qeveri që kujdeset për xhepat e shqiptarëve dhe jo të Ramës dhe ministrave të tij”, shkruan Basha në Facebook.