Basha: Sipërfaqet me drogë u pesëfishuan në 2016-n

Lulzim Basha theksoi se sipërfaqja e mbjellë me drogë në vitin që lamë pas është pesëfishuar.

Në një koment në faqen e tij zyrtare në rrjetin social “Facebook”, Basha shkruan se sot nuk ka dy të vërteta për drogën, dhe sipas tij, ka vetëm një: pesëfishim i sipërfaqes së mbjellë në vitin 2016.

Komenti i plotë i kryedemokratit

Sot nuk ka dy të vërteta për drogën. Ka vetëm një: pesëfishim i sipërfaqes së mbjellë në vitin 2016.

Nuk ka dy të vërteta për bosët e krimit. Ka vetëm një: nuk kapen dhe këtë nuk e pengon vetingu. E pengon qeveria, Ministri i Brendshëm, Kryeministri.

Sot nuk ka dy të vërteta për korrupsionin. Ka vetëm një: kudo ku vidhet me tendera dhe koncesione, kudo ku lartësohen ndërtime pa leje, kudo ku shqyhen, tjetërsohen e përvetësohen prona në mënyrë kriminale janë njerëzit e janë njerëzit e qeverisë dhe Kryeministrit. Nuk ka të tjerë!