Basha takim me investitorët italianë: Në qeverisjen tonë, Shqipëria do jetë një vend tërheqës për investimet

Kryetari i Partisë Demokratike Lulzim Basha i prezanton investitorëve italianë planin e zhvillimit ekonomik të PD-së.

Në takimin që ai zhvilloi në zyrën e tij në selinë blu, Basha thekson se me politikat tona qeverisëse, Shqipëria një vend tërheqës për investimet e huaja

“Sot u takova me drejtues të suksesshëm të industrisë, infrastrukturës, dhe logjisitikës, në rajonin e Friuli-Venezia-Giulia.

I informova për planin tonë ekonomik, i cili nis me çlirimin e tregut nga krimi, nga oligarkia dhe korrupsioni si dhe nga burokracia.

Përmes politikave ekonomike dhe lehtësirave për të bërë biznes, do ta kthejmë Shqipërinë në një vend tërheqës për investimet e huaja, konkurrues me çdo vend tjetër në rajon.

Zhvillimi ekonomik dhe punësimi, janë prioriteti kryesor i PD. Investimet e huaja janë jetike për rritjen e punësimit dhe zhvillimin e ekonomisë.

Plani ynë ekonomik ka një fokus të rëndësishëm në këtë drejtim. Por së pari duhet garantuar konkurrenca e ndershme dhe luftuar korrupsioni që sot i mban investitorët larg vendit tonë”, u shpreh kryedemokrati Lulzim Basha.