Basha: T’ia shkurtojmë ditët kësaj qeverie

 “Të mblidhemi bashkë dhe me të gjitha mjetet t’ia shkurtojmë ditët kësaj qeverie. Ta rrëzojmë e ta çojmë vendin në një rrugë tjetër”.

Kështu mësohet se u ka pohuar kryedemokrati Lulzim Basha fermerëve të zonës së Selenicës, në kuadrin e turit "Fjalën e kanë qytetarët".

Teksa sipas PD-së, banorët shprehën shqetësim dhe përsa i përket rritjes së çmimit të energjisë elektrike dhe abuzimit me faturat aforfe që u vijnë.

“Ne parashikojmë buxhetin më të madh për bujqësinë që ka patur ndonjëherë vendi. Sot e ka 5 milionë, ne do ta çojmë në 100 milionë. 100 milionë dollarë vetëm për bujqësinë. Nga të cilat, 40 milionë, siç i kemi llogaritur ne, do të përdoren për të zeruar taksat për fshatin. Kjo do të thotë që fidanët, farat, plehrat dhe naftën do t’i paguani pa taksë dhe pa akcizë”, tha gjithashtu Basha.