Bejko: Basha më ka ndihmuar në fushatë, do të rikandidojë për kryetar të PD-së

Kandidati i PD-së zyrtare me Alibeajn kryetar, Roland Bejko thotë se ish-kryetari Lulzim Basha e ka ndihmuar gjatë fushatës në Tiranë, ku ai kandidon për zgjedhjet lokale të 14 Majit. Po ashtu Bejko thotë edhe se Basha do të rikandidojë për kryetar të PD-së.

Saimir Kodra: Tek partia juaj, Lul Basha është projeksion i së ardhmes, kryetar tek ju?

Roland Bejko: Luli është një njeri, i cili e ka derën të hapur do kandidojë. Ma merr mendja që do kandidojë. Do fitojë apo jo, këtë nuk e di, por ama di që do kandidojë. Brenda kësaj PD-je që jemi ne, Lul Basha ka një ‘network’ goxha të konsiderueshëm, ‘network’ njerëzish, pra ka rrjet njerëzisht.

Saimir Kodra: Të ka shërbyer ty për fushatën?

Roland Bejko: Patjetër po. Ka lidhje me njerëzit dhe këta janë njerëzit me të cilët unë bëj fushatën.