Belinda Balluku në panelin ministror ballkanik për krijimin e sistemeve energjitike të sigurta

“Athinë, Samiti për Tranzicionin Energjetik, në Panelin ministeror së bashku me kolegët e rajonit diskutuam mbi sfidat për krijimin e sistemeve energjetike të sigurta, të qëndrueshme dhe të përballueshme. Në një kohë kur BE po avancon agresivisht drejt objektivave të axhendës së gjelbër nga një anë dhe një mjedisi gjeopolitik të trazuar nga ana tjetër, këto sfida janë komplekse dhe kërkojnë adresim të menjëhershem por me qasje afatgjata. Në këtë kontekst, përveç arritjeve të Shqipërisë në kuadër të krijimit të pavarësisë energjitike, theksova gjithashtu rëndësinë e inovacionit në sektorin e energjisë, duke ndarë me të pranishmit planet e Shqipërisë për aplikimin e teknologjisë pumped storage, një depozitë natyrore e energjisë e aftë për t’ju përgjigjur kërkesave të tregut”- shkruan Belinda Balluku nga Athina.

World Economic Forum, ka publikuar renditjen e shteteve duke ju referuar tre shtyllave, të cilat vlerësohen si më të rëndësishmet sa i takon zhvillimit energjetik. Në kolonën e qëndrueshmërisë, vendi ynë renditet në vend të parë duke lënë pas vende të njohura europiane, si Franca apo Suedia.

Zëvendëskryeministrja, njëherësh Ministër i Infrastrukturës dhe Energjisë, Belinda Balluku e cilëson këtë vlerësim si fryt të punës dhe vizionit të Qeverisë Shqiptare dhe Kryeministrit Rama, në rrugën drejt objektivit për të qenë një pol energjetik rajonal dhe vend eksportues neto i energjisë.

Të tilla vlerësime, shkruan Balluku në postimin e saj, na motivojnë për të vazhduar angazhimin drejt projekteve të reja në këtë sektor.

Postimi

Një nga forumet më prestigjioze ekonomike, World Economic Forum, ka shpallur renditjen e shteteve përsa i përket tre komponentëve, që konsiderohen shtyllat më të rëndësishme të zhvillimit energjetik të vendeve.

World Economic Forum ka shpallur në vend të parë Shqipërinë, në kolonën e qëndrueshmërisë, duke lënë pas vende të zhvilluara në energji prej dekadash, #Suedia, #Zvicra apo #Franca.

Krenari të shikojmë frytet e punës të skuadrës tonë, të vlerësohen ndërkombëtarisht. Krenar për qeverinë shqiptare dhe vizionin e Kryeministrit @ediramaal , për ta bërë vendin tonë një pol energjetik rajonal dhe eksportues neto.

Vlerësime të tilla na motivojnë për të vazhduar angazhimin drejt projekteve të reja në një sektor si energjia, ku sfida më e madhe sot është, të kthesh rreziqet gjeopolitike, në oportunitete strategjike.