Benet Beci reagon pas deklaratës së Luizit: E ka justifikuar atë punë që ka bërë

Kandidati për kryetar i Bashkisë së Shkodrës Benet Beci ka folur mbrëmë në “Open” në News24 dhe për banorin e Big Brother Vip Albania, që shihet si pretendenti kryesor për të fituar, Luiz Ejllin.

Ejlli, në spektaklin e së shtunës, foli në Big Brother për ndihmën e dhënë nga Beci në një moment të vështirë të jetës së tij, duke e punësuar kur ishte në krye të KESH.

“Ndonjëherë ndodh që ti mund të bësh shumë ndere dhe kam punuar shumë. Gjendet një mënyrë për ta kthyer nderin. Kjo është një mënyrë që të vjen fare papritur. Jam mirënjohës që ai është mirënjohës. Ai është një djalë i mirë i cili ka qenë dhe e ka justifikuar atë punë që ka bërë”, tha Beci në emisionin Open te Eni Vasili.