Berisha i kthehet Bashës: Belgët erdhën sërish, herën e tretë do jesh në pozita krejt tjera!

Ish-kryeministri Sali Berisha, gjatë një takimi në Shkodër sulmoi Lulzim Bashën, duke u shprehur se ai nuk është lider, ndaj dhe nuk mund të fitojë.

Më tej, gjatë fjalës së tij, Berisha u ndal dhe dosja e “Toyota Auris” dhe paralajmëroi Bashën se shumë shpejt do të jetë në pozita krejt tjera.

“Përveç kësaj, ky është i vetmi politikan me dy hetime ndërkombëtare. Nëse ti, zyrtar, ngrihesh dhe dekonspiron një operacion të policisë belge, gjermane, italiane e shqiptare, ligjet e të gjitha këtyre vendeve të kapin, për bashkëpunëtor. Edi Rama ia mbylli dosjen për dekonspirim, që i hapi prokuroria, por belgët nuk ja mbyllën. Belgët erdhën për së dyti, dhe e patë sa i thartur doli, e vërteta është se herën e tretë ai do jetë në pozita krejt tjera, siç do ta merrni vesh shumë shpejt”, tha Berisha.