Në Lushnje lideri historik i PD-së, sali Berisha mblodhi demokratët rreth ”Foltores”, ku akuzat për Lulzim Bashën nuk munguan. ”Ai ju tradhtoi ju, votën tuaj, dhe sot ka marrëveshjen për të shndërruar Partinë Demokratike në ministrinë e narkoshtetit. Nuk vjen dot tek ju ai, një njeri që ka frikë si mund ta rrëzoi Ramën, përkundrazi ai është peng i Edi Ramës”.
Ai bëri edhe një shembull të sotëm në lidhje me garën në Forumin Rinor të PD-së. “Shoh lajmet se sot ai ka vendosur, pa pyetur udhëheqjen e të rinjve të PD, krijimin e një komisioni për zgjedhjet e Forumit Rinor, një akt stalinist i turpshëm. Forumet kanë parimet dhe pavarësinë e tyre. Kryetari pa parti po vepron si Enver Hoxha, madje ai e ndiqte ndonjë procedurë. Foltorja është para se të gjithash për të shndërruar partinë në shtëpinë e lirisë dhe të vendosim rregullat brenda nesh”.
Po ashtu Berisha vijoi ku tha se ”Foltorja nuk i drejtohet kundër aleateve dhe partnerëve, ose demokratëve që nuk e mendojnë si ne, është një lëvizje konservatore për të shpëtuar opozitën nga rrënimi”.
