Berisha nuk e njeh vendimin e Kuvendit për arrestimin e tij

Ish-kryeministri Sali Berisha ka reaguar pas vendimit të Kuvendit, që i hoqi imunitetin e deputetit.

“Sot parlamenti antikushtetues, antidemokratik, votoi në kundërshtim me çdo procedurë ligjore për heqjen e imunitetit dhe arrestimin tim. Sot parlamenti vazhdoi veprën që dështoi më 9 shtator, dy vite më parë. Por nëqoftëse dështoi më 9 shtator, ju garantoj se sot do të jetë më i dështuar se kurrë. Ky vendim jo që nuk do të mundë të realizojë shkatërrimin e opozitës, por do ta mobilizojë atë nën moton “o sot o kurrë” duke i dhënë përgjigje të merituar”, tha Berisha në dalje nga Parlamenti.