Berisha ”shkarkon” Alibeajn, Bardhi: Do të jetë kryetar derisa të bëhen zgjedhjet

Në selinë blu nuk ka më qetësi dhe kjo lidhet me faktin se kush do të marrë frenat e PD. Sot në mbledhjen e grupit parlamentar, Sali Berisha tha se Enkelejd Alibeaj nuk duhet që të jetë më kreu i grupit parlamentar.

Por sekretari i përgjithshëm i PD, Gazment Bardhi, në deklaratën për mediet, tha se Alibeaj do të vijojë që të jetë kryetar i komanduar i PD, derisa të bëhen zgjedhjet.

“Alibeaj nuk është i komanduar, në janar 2022 është zgjedhur si nënkryetar i PD-së dhe kreu i Grupit Parlamentar. Do të jetë si kryetar i përkohshëm, derisa të bëhen zgjedhjet dhe të caktohet kryetari”.