Berisha sulmon Gloverin e ODIHR-it: Është mike e ngushtë e PS-së

Ish-kryeministri Sali Berisha ka sulmuar ashpër  kryetaren e misionit të ODHIR-it, Audry Glover, e cila sipas tij, është mike e ngushtë e PS-­së. Ai përmend zgjedhjet e 96­-s dhe 2009-­s, ku sipas tij, Glover ka mbajtur anën e socialistëve. Berisha thotë gjithashtu se opozita ka frikë se ajo nuk do t’i monitorojë si duhet zgjedhjet, duke paralajmëruar kështu mosnjohjen e tyre.

“Këto ditë prita në një takim kongresmenin amerikan z. Robert Aderholt, ish kongresmenin Bob McEwen dhe zotin Sten Holms. E njoha mikun amerikan me faktin se kryetarja aktuale e Misionit të ODHIR-­it ka një histori të dokumentuar shumë fatkeqe të njëanëshme me vëzhgimin e zgjedhjeve të Shqipërisë. Në vitin 1996 ajo drejtoi misionin e ODHIR­-it dhe firmosi një raport prej 36 faqesh, në të cilin nuk citohej qoftë dhe një fakt i vetëm për shkelje gjatë zgjedhjeve dhe procesit zgjedhor, madje nuk përmendej në asnjë fjali të vetme bojkoti i zgjedhjeve ditën e votimit nga opozita e asaj kohe si një akt që kurrë një raport objektiv s’mund t’a shmangte. Në vitin 2009 ajo erdhi përsëri në krye të misionit të ODHIR­-it. E pranova atë vetëm sepse Edi Rama, po ta refuzonte, do të bojkotonte zgjedhjet, por ajo, që në periudhën parazgjedhore u shndërrua në një zëdhënëse të Edi Ramës, shpifjeve dhe trillimeve të tij. Ajo kishte nisur në ODHIR­ qëndër si të mirëfillta të gjitha shpifjet dhe trillimet e PS-­së, të cilat një delegacion parlamentar i OSBE-­së erdhi dhe i gjeti komplet të pavërteta. Pasi zgjedhjet u zhvilluan normalisht, megjithëkëtë ajo, pavarësisht deklaratës së parazgjedhjeve, hartoi pas dy muajsh një raport tërësisht tendencioz përsëri pa asnjë fakt dhe të pavërtetë, raport të cilin u detyrua t’a terheqë pasi delegacioni parlamentar i OSBE­-së i bëri të qartë se do të shkruanin një raport tjetër ku ndër të tjera do të denonconin edhe qëndrimet e saj. Qëndrimet e saj u demaskuan publikisht në takimin në Athinë të OSBE­së nga kryetari i Asamblesë Parlamentare të OSBE­-së. Kështu që, ardhja e saj si aleate e mike e ngushtë e kahershme e Partise Socialiste ngjall te shqiptarët, së paku tek populli opozitar, mosbesim të madh në objektivitetin në monitorimin e zgjedhjeve në Shqipëri prej saj, duke patur parasysh qëndrimet e saj të shkuara të zgjedhjeve në Shqipëri”, shprehet Berisha.