Sali Berisha një ditë pas mosbindjes civile, tha nga ballkoni i banesës së tij se ky është vetëm fillimi i madh i misionit të rikthimit të votës së lirë në Shqipëri. Berisha shprehet se prania masive e të rinjve është ogur i madh, i bardhë se dhimbjet nuk do zgjasin shumë. ”Ju luftëtarë të vërtetë të lirisë, ishit dje ndërgjegjja e juaj dhe e kombit tuaj”, tha Berisha, i cili e quajti si mosbindjen më të madhe në 32 vite. Nga ana tjetër, kreu i PD-së, bëri thirrje që të lirohen protestuesit e arrestuar. ”I garantoj se PD, demokratët dhe demokratet, mbarë populli opozitar çdo minutë është me ta gjer në lirimin e tyre të plotë. Qëndrestarë të pafajshëm, që kërkon Edi Rama me terror policor, t’i mposhtë”, tha ai.