Blushi: Ata që heshtën në PS u shitën për një mandat deputeti

Themeluesi i LIBRA, njëherësh deputet i parlamentit, Ben Blushi, tha se individë dhe socialistë të hershëm e shitën heshtjen e tyre për problemet në PS vetëm për një mandat. Në një intervistë për Syri.net, Blushi tha se Partia Socialiste është kthyer në një ndërmarrje me emrin “Rilindja”. Ai u shpreh se nuk mund të konvertohej në “Rilindas” dhe për këtë zgjodhi të largohej nga kjo forcë politike.

“ Partia Socialiste është një ndërmarrje që quhet Rilindje. Kjo ndërmarrje kontrollohet në mazhorancë nga Edi Rama. Unë zgjodha të mos heshtja për këtë fakt. Të tjerët e shitën heshtjen për një mandat deputeti”, tha Blushi