Blushi: Shoqeria shqiptare më nacionalistë pas ndeshjes me Serbinë

 “Shoqëria jonë ka nevojë të mendojë më shumë sot. Jeton shumë mirë në krahasim me atë çfarë ka jetuar, por jeton shumë keq në krahasim me atë çfarë duhet të jetonte. Ka aq shumë gjëra për të diskutuar nisur nga ngjarjet e fundit. Unë kam folur atje më shumë për nacionalizmin dhe kam thënë që Shqipëria do vijë duke u bërë një shoqëri shumë më nacionaliste. A është e vërtetë kjo dy javët e fundit? Jemi shumë më tepër nacionalistë se para ndeshjes me Serbinë?! Kemi të drejtë, s’kemi të drejtë, duhet diskutuar. Sigurisht që kemi të drejtë se ishim të provokuar, por jemi sot shumë më nacionalistë. Unë atë natë që e kam parë ndeshjen, – për ata që më njohin e dinë që unë nuk jam njeri që shkoj mbas zjarrit shumë se shkoj mbas ujit – isha në një eksitim. Mbas dytri orësh që ishte dhënë lajmi thosha se sikur sonte të ndodhë ndonjë konflikt në Mitrovicë apo në Beograd, edhe unë mund të nisem të shkoj atje. Sot nuk mendoj më kështu, por dua të them që mjaftojnë ngjarje të vogla që të na bëjnë të mendojmë ndryshe për veten, për rajonin, për Ballkanin, edhe kjo është një gjë që na ka bërë shumë të mendojmë”, theksoi Ben Blushi.
NACIONALIZMI
Deputeti i PS-së, i pyetur për nacionalizmin dhe a është shtuar kjo frymë në Shqipëri, tha se në ditët e sotshme nacionalizmi është i pavlerë. Shqipëria, sipas Blushit, do kishte qenë më shumë nacionaliste nëse do të Deputeti i Partisë Socialiste, Ben Blushi, deklaroi dje nga Korça se përplasjet gjatë ndeshjes mes Serbisë dhe Shqipërinë kanë ndikuar që shqiptarët të jenë më nacionalistë. kishte qenë më i fuqishëm si shtet. “Nacionalizmi për ne ka pasur kosto shumë të larta. Në Kosovë, Bosnjë, Kroaci, nuk e di a shkojë një milion apo jo, por janë disa qindra mijëra të vrarë nga popuj të tjerë që nuk donin të ndanin territorin me ta. Kur vjen puna te kostoja, sigurisht që nëse lufton për shtetin dhe je i pushtuar, justifikohet deri diku lufta për t’u çliruar, por për shkak se ne i kemi parë këto kosto. Mjafton të marrim Luftën e Parë dhe të Dytë Botërore, të cilat u ndërtuan mbi themele nacionalizmi, miliona europianë të vrarë, çfarë kostoje i dha kjo botës?! Për fat, ne nuk kemi pasur valë nacionalizmi, nuk kemi shkuar për të pushtuar një popull tjetër, megjithëse arsye kemi pasur, se na kanë pushtuar. Po të kishim pasur më shumë fuqi, ndoshta do të kishim qenë nacionalistë në kohën e duhur. Besoj që nacionalizmi sot është i pavlefshëm. Sot dëgjohet shpesh shprehja ‘jam krenar që jam shqiptar’. Shqiptar lind, nuk e ke zgjedhur, siç mund të lindësh britanik, francez etj. Mund të bëhesh shtetas i vendeve të tjera, por çfarë lind nuk e zgjedh vetë. Nacionalizmi është i padobishëm, sidomos për popuj që vuajnë për shkak se janë shumë të vegjël dhe të pafuqishëm në aspektin ekonomik, ushtarak etj. Nuk kanë mundësi që nacionalizmin e tyre ta kthejnë në element rritje”, tha Blushi.
LIBRI
Duke folur para lexuesve për librin e tij “Hëna e Shqipërisë”, Blushi theksoi se pabarazia në Shqipëri është thelluar krahasuar me 20 vite më parë, por sipas tij, ajo do të vijë duke u thelluar gjithnjë e më shumë. Blushi ka sqaruar se nuk është libër politik, por një vepër që ndërtohet në bazë pyetjesh. “Me një mikun tim që po flisja para disa ditësh, me pak pesimizëm që ka kapur në përgjithësi shoqërinë shqiptare, dhe ky libër ndoshta mund të kishte edhe këtë titull, ‘Libri i pesimizmit të shqiptarëve’, më tha që kishte disa avantazhe para 20- 30 vjetësh. Para 20 vjetësh ne ishim shumë të barabartë, megjithëse në mungesë totale lirie, por mbas 20 vjetësh, megjithëse jemi të lirë, jemi shumë të pabarabartë. Ka një statistikë, shumë pak të pasur dhe shumë të varfër. A është pabarazia fakti që një milion shqiptarë e lënë Shqipërinë sot? Frika ime është që pabarazia nuk do vijë duke u zbutur, por duke u thelluar”, theksoi Blushi.