Blushi: Vetëm me paratë që iu dhanë Vangjush Dakos, Rilindja shlyen pagat naftëtarëve

Deputeti i LIBRA Ben Blushi ka kritikuar sot qeverinë duke rikthyer edhe një herë në vëmendje çështjen e ARMO e cila sipas tij duhet tu rikthehet shqiptarëve.

Në një postim të tij në Facebook, sipas Blushit tashmë Rilindja e ka privatizuar padrejtësisht.

Madje ai shkon më tej kur thotë se vetëm me paratë që Rilindja i ka dhënë Vangjush Dakos për të shëmtuar Durrësin, mund të shlyhen pagat e punonjësve të kompanisë.

Postimi në Facebook:

Rilindja që takson më shumë punën dhe trurin se dhjamin, – shkruan Blushi, –  e ka braktisur njërën nga pronat me të vyera te vendit që është kompania ARMO. Cdo ditë punonjësit kërkojnë pagat dhe sigurimet e prapambetura të cilat nuk jepen nga klientët e Rilindjes. Sot ARMO po shfrytëzohet në mënyrë barbare dhe jo ligjore si gjithë sektori i naftës nga i cili humbim afro 200 milion euro ne vit. Meqë Rilindja e ka shitur ARMO padrejtësisht po them çfarë do bëjë LIBRA. Do t’ia kthejë publikut. Shqiptarët duhet të jenë pronarët e kësaj prone që po vidhet, shpërdorohet dhe keqtrajtohet.

Vetëm paratë që Rilindja i ka dhënë Vangjush Dakos për të shëmtuar Durrësin në katër vjet, do mjaftonin për të shlyer pagat ndaj punëtorëve dhe për ta kthyer ARMON në pasuri të përbashkët.