Bozdo publikon dokumentet: Porti i Durrësit po i falet kompanisë arabe. Megavjedhja do të realizohet brenda ditës

Përmes një statusi në facebook, anëtari i Kryesisë së PD, Eno Bozdo akuzon qeverinë se njësoj si me Teatrin tashmë është radha e Portit të Durrësit që t`i falet një kompanie arabe.

Ndërsa publikon dokumentet e kontratës, Bozdo shkruan se kaq identike është skema e vjedhjes, sa edhe projektligjet ngjajnë si dy pika uji. Qartazi janë hartuar nga e njëjta dorë!

“Kështu, një projektligj i ri, i gatshëm për tu miratuar, do t`i japë Portin e Durrësit një kompanie arabe. Do t`ia japë pa garë, pas një procesi negociimi për të cilin askush nuk di asgjë.
Njësoj si me Teatrin, prona publike negociohet pa garë, për një projekt që e di vetëm Edi Rama dhe pjesëmarrësit e darkës së Nusretit.” shkruan Bozdo.