Braçe: Lufta? Duhet të flasim patjetër e seriozisht për tradhëtarët

Kështu e ka nisur komentin e tij të fundit në rrjetet sociale, deputeti socialist, Erjon Braçe, duke iu rerefuar debatit të fundit të bërë në kuadrin e festave të nëntorit, mbi Luftën Antifashiste Nacionalçlirimtare.

“Kanë 48 orë që nuk flasin më për diktaturen dhe "rehabilitimin e Enver Hoxhës"! Madje dhe një përpjekje të formalizuar dje për të nxjerrë në dritë sekretet e diktaturës, u sulmua ashpër për t’u mbytur menjëherë.
Përse? E kishin thjesht me Luftën Antifashiste Nacionalçlirimtare gjithë nëntorin! Zhurmuan aq fort me diktaturen që të mos flitej kurrë për tradhëtarët!”, citon ai gjithashtu në komentin e tij.

Duke shtuar se “kompleksuan një shoqëri të tërë, politikën po e po dhe ia arritën qëllimit kur më shumë u fol për diktaturën, sesa për luftën, më të madhen, më historiken, më të drejtën, me popullorën, më emancipuesen bërë ndonjëherë nga shqiptarët”, citon gjithashtu Braçe.