Bregu: Shqiptarët e njohin realitetin, s’ua tregon progres-raporti

“Ne, pala shqiptare jemi të gjithë dakord se perspektiva e anëtarësimit bëhet e paqartë dhe e largët nëse mbetet pezull. Koha pa kufi dhe asnjë datë e sigurt i shtyn politikanët qeverisës të përqëndrohen vetëm tek klientelizmi dhe tek autoritarizmi. Shqiptarët e dinë realitetin ku jetojnë dhe asnjë progres raport nuk u thotë dot më shumë”.

Kështu u shpreh sot MajlindaBregu, deputete e Partisë Demokratike në Këshillin Kombëtar të Integrimit Europian (KKIE), që zhvillon sot mbledhjen e tretë të tij.

Sipas saj, hapja e negociatave me Shqipërinë nuk mund të jetë një garë pa kohë.