Do ti hapë portat Bashkimi Europian këtë vit? Pas Samitit të BE-Ballkani Perëndimor nuk u panë sinjale pozitive, në një kohë që politika në Maqedoninë e Veriut është e përçarë. Por një media nga Mali i Zi, “Vijesti.me”, shkruan se brenda Bashkimit Europian ka patur një kthesë të fortë sa i përket zgjerimit.
”Mali i Zi, Shqipëria, Maqedonia e Veriut si edhe Serbia do të ndjekin një tjetër rrugë për anëtarësimin në familjen Eruopiane, nga ajo që do të ndjekë Ukraina, Moldavia, Gjeorgjia, por edhe Bosnjë-Hercegovina dhe Kosova”. Podgorica, Beogradi, Shkupi dhe Tirana kanë perspektivën për t’u bërë anëtarë të plotë të BE-së.
Kurse për ”Ballkanin e Hapur”, thekson se është një histori dhe ide amerikane, por që nuk është kjo e metë, pasi BE dhe SHBA janë partnerë. BE-ja ka një pozicion parimor për të qëndruar pas çdo nisme që është gjithëpërfshirëse dhe e bazuar në vlerat evropiane të Serbisë, Maqedonisë së Veriut dhe Shqipërisë.
