Byroja rrëzon kërkesën e PD për përjashtimin e Edi Ramës nga Kuvendi

Byroja e Parlamentit rrëzoi kërkesën e PD për përjashtimin e Kryeministrit Edi Rama nga Kuvendi.

Nënkryetari i Kuvendit, Edmond Spaho tha pas vendimit se Byroja nuk mori parasysh asnjë kërkesë të PD-së. Sipas tij, Rama ka përdorur fyerje që shkelin rëndë etikën e Kuvendit. Me ironi, Spaho tha se “Ka mbetur që tani Byroja ti japë titullin Gojëmbli i Kuvendit”,- tha ai.

PD-ja kërkoi përjashtimin e Kryeministrit Rama me 10  ditë nga punimet e Kuvendit. Shkak për këtë kërkesë të PD-së, është fjala e Kryeministrit të enjten e shkuar në parlament, ku ai e cilësoi opozitën si një “tufë e vogël… që kërkon të hajë njëri tjetrin”.

Të enjten e shkuar kjo solli reagime të forta nga deputetët e opozitës, të cilët tentuat t’i ndalonin edhe fjalën kryeministrit.